Gugma Mao ang Motibo

Opisyal nakong gisugdan ang akong kataposan nga pagbalhin sa bag-ong naporma nga Philippines Dumaguete Mission, ug ang akong panahon sa natad paspas kaayo nga naghinapos. Bag-ohay lang ko nakadawat og usa ka personal nga pahimangno gikan sa akong presidente sa misyon nga dili magtinapolan, busa atong pahimuslan og maayo kini!

Kon kita “magtinapolan” o dili na madasig sa bisan unsa nga atong buhaton sa kinabuhi, nagpasabot kini nga kita nawad-an og kaikag ug nga kini mobati nga dili na manginlabot mahitungod nianang partikular nga tumong o paningkamot tungod sa daghang mga rason. Matinuoron ko nga mibati nga usahay sa misyon, atol sa mga adlaw o mga semana kon ang buhat dili kong ka mauswagon ug ang among mga paningkamot ingon og kawang lang.

Adunay tambal alang niini. Sa iyang unang adlaw isip among bag-o nga presidente sa misyon, si President Reyes mihatag og lima ka gipakigbahin nga hiyas diha sa misyon nga iyang gilaoman nga magamit namong tanan. Usa niini mao kini: Ang Gugma mao ang Motibo.

Gugma mao ang “kahulogan sa Ebanghelyo”, Si Presidente Monson sa makausa mipasabot. “Dili kita tinud-anay nga mahigugma sa Dios kon dili nato higugmaon ang atong isig ka ingon niining mortal nga kinabuhi. Sa samang paagi, kita dili hingpit nga mahigugma sa atong isig ka ingon kon dili kita mohigugma sa Dios, ang Amahan kanatong tanan . . . ug si Jesukristo mao ang atong Ehemplo. Ang Iyang kinabuhi mao ang usa ka kabilin sa gugma.”

Ako nakaamgo nga ang tinuod nga Kristohanong gugma mao dili walay pagkahakog samtang ang gugma sa kalibotan mao ang pagkahakog. Samtang magtinguha kita sa pagsunod sa ehemplo ni Kristo magsugod kita sa pagkakita sa uban sa paagi nga Siya nagtan-aw kanila ug pulihan ang atong kasuko sa pagkamabination, ang kasina ngadto sa pagpasalamat, ug ang atong kahadlok ngadto sa pagkamasaligon. Sa makausa si Presidente Eyring mitambag, “ang Ginoo adunay mga oportunidad duol kaninyo aron mobati ug makapaambit sa Iyang gugma. . . . Samtang tabangan ninyo ang mga anak sa Dios sa ilang mga problema, ang kaugalingon ninyong mga problema daw mas mogaan. Ang inyong hugot nga pagtuo ug paglaom mapalig-on.”

Dili lang kay kita mobati niining gugma, kita kinahanglan mopakigbahin niini! Mahimo nga kini usa ka yano nga “salamat” ngadto sa usa ka estranghero o sa pagpakigbahin sa ebanghelyo ngadto sa usa ka minahal, makatabang kita sa pagpuno sa tibuok kalibotan sa gugma. Motan- aw kita sa palibot alang sa mga oportunidad aron mapahayag kini nga putli, tiunay nga gugma uban niadtong nagpalibot kanato. Kon kamo mobati nga nadismaya, tugoti nga ang gugma mao ang motibo.