යේසුස් ක්‍රිස්තුස්වහන්සේගේ සභාවේ සංවිධානය

පළමු සභාපතිත්වය

සභාවේ සභාපති අද පොළොවේ දෙවියන්වහන්සේගේ අනාගතවක්තෘවරයා වේ. ඔහු ජ්‍යෙෂ්ඨ අපෝස්තුළුවරයා වන අතර මුළු සභාවටම මඟ පෙන්වීම සඳහා එළිදරව්ව ලබන පොළොව මත සිටින එකම පුද්ගලයා වේ. ඔහුගේ උපදේශකයන් ලෙස සේවය කිරීමට කැඳවිය යුත්තේ කුමන අපෝස්තුළුවරුන් දෙදෙනෙකු දැයි දැන ගැනීමට ස්වාමින්වහන්සේ ඔහුව පොළඹවයි. ඔවුන් පළමු සභාපතීත්වය පිහිටුවයි. මේ තිදෙනාම අනාගතවක්තෘවරු, දකින්නන් සහ එළිදරව් කරන්නෝ වෙති.

අපෝස්තුළුවරුන් දොළොස් දෙනාගේ ගණපූරණයේ සාමාජිකයන්ද අනාගතවක්තෘවරුන්, දක්‍ෂයින් සහ එළිදරව් කරන්නන් වේ. ඔවුන් යේසුස් ක්‍රිස්තුස්වහන්සේගේ විශේෂ සාක්ෂිකරුවන් වීමට කැඳවනු ලැබේ. උන්වහන්සේ ගැන ඉගැන්වීමට සහ සාක්ෂි දීමට ඔවුන් ලොව පුරා සංචාරය කරති. (දහම සහ ගිවිසුම් 107:23, 33 බලන්න.)

හැත්තෑවේ සාමාජිකයන් ද යේසුස් ක්‍රිස්තුස්වහන්සේගේ සාක්ෂිකරුවන් වීමට කැඳවනු ලැබේ (දහම සහ ගිවිසුම් 107:25 බලන්න). ඔවුන් දොළොස් දෙනාගේ ගණපූරණයට ශුභාරංචිය ඉගැන්වීමට සහ ලොව පුරා සභාව ගොඩනැගීමට උපකාර කරති.

ඡායාරූපය මචිකෝ හොරි විසිනි

දේශීය නායකයෝ

ඔබේ ස්ටේක හෝ දිස්ත්‍රික සභාපතීත්වය, සභා නායකත්වය හෝ ශාඛා සභාපතීත්වය, සහ වැඩිහිටි ගණපූර්ණය සහ සහන සමිති සභාපතීත්වද දෙවියන්වහන්සේ විසින් කැඳවා ඇත. ඔවුන්ට ඔබට ශුභාරංචිය ඉගෙනගෙන ඒ අනූව ජීවත් වීමට උපකාර කළ හැක. 2022 මාර්තු ශුභාරංචි මූලික ලිපියෙන් ඔබට මෙම කැඳවීම් කිහිපයක් ගැන ඉගෙන ගත හැක, “සභාවේ කැඳවීම් වල සේවය කිරීම”.