Apwahpwali Irail Kan me Anahne Sawas

Sises Krais limpoakehng, kalolamwahuih, oh kapakapki irail kan me mihmi Reh. E ketseli oh wiwia mehkot mwahu (Acts 10:38). Kitail kak idawehn duwehte Ih ni limpoak, kalolamwahu, papa, oh kapakapki mehn mpatail kan. Kitail kak kin tetehk ansou koaros ia mwomwen atail pahn sewese mehteikan.

Kalohk

Lepin lokaia kalohk doadoahk nan pwuhk sarawi oh nan Sapwellimen Sounkomour Mwomwodiso pwehn kasalehda mwomwen atail kin apwalih emen emen. Wahnpoaron kan kin wia pwihn en kalohk ohng emen aramas de ehu peneinei nan ward de branch. Lih en kalohk kin pwukoahki lih akan. Lih oh ohl en kalohk kin nantieng kin taman oh apwalih oh tamataman tohn Mwomwodisoht kan.

Sewese Meh Teikan Ren Uhtohrada

Kitail kak sewese tohn atail peneinei oh kempoakepahtail ren sein uhtohrada ni atail pahn kin kangoange irail en kilangada me pahn werei oh mwahu ong arail kahpwal akan. Kitail kak utung irail ansou repahn koadoahkih arail koasoandi kan. Rapahkida ekei mengihtik ohng pelien uhtohrada nan Oakus 2023 Liahona Gospel Basics article.

Diren mwomwen sawas kei kitail kak wiahng mehn impatail kan oh sewese irail ohng anahn en mour wet, pali ngehn, oh pelien pepehm kan. Atail kin esehla mehteikan kak sewese kitail en kak esehla ia mwomwen atail pahn kamwahuiala atail sawas ong irail. Kitail pil kak kapakapki kitail en alehdi kaweid pwe kitail en ese dahme kitail kak sawaski.

Kisakiski Dahme Mie Rehtail

Kitail kak papah mehteikan sang ni atail kin kiskisehkinirail dahme Koht ketkieng kitail. Karasepe, kitail kak kin sapan ni atail kin wia atail meiroang en kaisihsol de sawas ong en Mwomwodisoht kopwou en pelien Humanitarian Aid. Kitail pil kak papah atail wasahn kousoan oh calling kan nan mwomwohdisoht.

Pisop pwukoahki apwahpwalih irail kan me anahne sawas nan ah ward. E kak doadoahngki mwohni sang ni meirong en kaisihsol pwehn sewese memper kan me anahne sawas. Ekei kaun kan, iangahki soun kaweid oh Relief Society oh elter kan, kin sewese tohn pwihn rapahkida sawas me re kak doadoahngki pwehn apwaiala arail anahn.

Mowmohdisoht kin sewese aramas nan sampah ohng kemwekid en kahpwal me karuwaru, doadoahk kan nan wasahn kousoan kan, oh soangen pirokirahm teikan me duwete pihl mwakelekel oh doken silasil. Pwe ken kalaude amw wehwehki met, kilang Dallin H. Oaks,“Sewese me Semwehmwe oh Insensuwed,” Liahona, Noh. 2022, 6–8.