దేవాలయ కార్యము

నీతిమంతులుగా జీవించే సంఘ సభ్యులు విధులు పొందడానికి, దేవునితో నిబంధనలు లేక వాగ్దానములు చేయడానికి దేవాలయముకు వెళతారు. దేవాలయములో మనము పొందే ఒక విధి వరము. వరము అనే మాటకు “బహుమానము” అని అర్థము. దేవాలయ వరము దేవుని నుండి బహుమానము. ఈ విధిలో మనము మన రక్షణ కొరకు పరలోక తండ్రి యొక్క ప్రణాళిక గురించి నేర్చుకుంటాము మరియు దేవుని ఆజ్ఞలను పాటించడానికి నిబంధనలు చేస్తాము. మనము చేసే నిబంధనలకు మనము విశ్వాసంగా ఉన్నయెడల, దేవుడు మనల్ని దీవిస్తారు.

దేవాలయములో వివాహము ముద్రవేయబడుట అని కూడా పిలువబడుతుంది. ఒక దంపతులు దేవాలయములో ముద్రవేయబడి, వారి నిబంధనలు పాటించినప్పుడు, వారు శాశ్వతంగా వివాహము చేసుకోబడతారు. వారికి పిల్లలు కలిగితే, ఆ పిల్లలు కూడా వారితో ముద్రవేయబడతారు. పిల్లలు కలిగిన తరువాత ముద్రవేయబడిన తల్లిదండ్రులు తమ పిల్లలతో ముద్రవేయబడగలరు. వారు నీతిగా జీవిస్తే, వారు నిత్యత్వమంతటా ఒక కుటుంబంగా ఉంటారు.

మన పూర్వీకుల గురించి కనుగొనడానికి మనము కుటుంబ చరిత్ర కార్యమును చేస్తాము. తరువాత మనము వారి తరఫున దేవాలయ కార్యమును చేస్తాము. జీవించే వారికి అవసరమైన విధులన్నిటిని వారి కొరకు మనము చేస్తాము: బాప్తీస్మము, నిర్ధారణ, యాజకత్వమును పొందుట (పురుషులకు), వరము మరియు ముద్రవేయబడుట. అప్పుడు వారు ఈ విధులను అంగీకరించాలా వద్దా అని వారు ఎంపిక చేయగలరు. ఈవిధంగా, దేవుని పిల్లలందరూ సువార్త యొక్క దీవెనలు ఆనందించగలరు.

దేవాలయములో మనము చేసే నిబంధనలను మనము పాటించిన యెడల మనము దీవించబడతాము, కాపాడబడతాము మరియు బలపరచబడతాము. మనము యాజకత్వపు శక్తిని మనతో కలిగియుంటాము. మన కుటుంబాలు శాశ్వతంగా కలిసి ఉంటాయి.

దేవాలయము అనేది శాంతి మరియు బయల్పాటు యొక్క స్థలము కూడా. దేవాలయ కార్యము చేసినప్పుడు, మనము ఆత్మీయ నడిపింపును పొందగలము మరియు దేవుని ప్రేమను అనుభవించగలము.