Te Karinerine Nakoia Natin te Atua ni Kabane

Beretitenti Russell M. Nelson e kaumakiira bwa ti na “karababa ara mronron n tangira ni mwaneia utu ni kabane” (Teachings of Russell M. Nelson [2018], 83). Ma mwaitin rababan rinaniniia natin te Atua, tina kanga ni karaoa te komiunite ike ni kabane aomata a na maeka inanon te booraoi?

Inanon ana rongorongo “Uotarake Tion” (iteraniba 12), Unimwaane Gerrit W. Gong n te Kooram n Abotoro n Tengaun ma Uoman e kaoiira ni katiteuanai nanora ao ara iango ngkai ti kaoiia ni kabane nakon Kristo. “Tokanikai iaon te Kaokoroaki ao Inanonano: Ti Kona ni Katei Buriiti” (iteraniba 18) kona ni buokiira inanon ara kekeiaki ni katiteuanaaki. Eng, arora ni katiteuanaaki e raonaki ma katokaan aran Iesu Kristo iaora n aron te ekaretia, n aroia naba aomata n tatabemaniia. Reiakinna riki inanon “Bwa E na Aranaki Au Ekaretia” mairoun Beretitenti Henry B. Eyring (iteraniba 8).

Ma tiaki ti karaoan te katiteuanaki inanon kakaokoron rinanin nako te tua (taraa Ioane 17:21; Reirei ao Berita aika Tabu 38:27), ma e na karekea naba te tai ibukira n reiakinaki mai iai ao n riki ni kakabwaiaki mairouia tarira ao mwanera man katei tabeua, reeti aika a kakaokoro, ao taneiai. Ti kantaningaia bwa te rongorongo n te namwakaina aei e na buokiira ni kabane ni maiu ni katiteuanaaki inanon Kristo.

Raomi ni Koaua,

Unimwaane Walter F. González

Man te Itingaun

Te Aetuwaitia nakon te Riaona