Ibukiia Kaaro
Aran te Ekaretia ao Katean Tion
Nakoia Kaaro aika Tangiraki,
Kam kona ni kabonganai rongorongo aikai ao tamneia aika imwina ni kauka te marooro ma am utu ao ni buokiia bwa a na oota ni kakawakin kabonganaan aran te Ekaretia ae eti ao katean Tion.
Aran te Ekaretia ae Eti
Wareware n utu tabeua karaki man ana rongorongo Beretitenti Eyring “Bwa Anne Aran au Ekaretia,” are moanaki man iteraniba 8. Iangoia ni manga rinanon ana maroro Beretitenti Nelson iaon atun te maroro aei n Okitobwa 2018 maungatabu ni kabuta. N aro raa aika koa tia iai ma am utu ni kakabwaiaki ngkai kam a tia ni kekeiaki ni kabongana aran te Ekaretia ae eti—Ana Ekaretia Iesu Kristo Ibukiia Aika Itiaki ni Boong aika Kaitira?
Katean Tion
Titirakiniia natim bwa tera n aia iango Tion ae nanonaki iai. Imwiina kabongana ana rongorongo Unimwaane Gerrit W. Gong “Uotarake Tion” n iteraniba 12 ni buokiia n reiakina riki taekan Tion are e nanonaki iai taai akekei ao n taai aikai. Iangoia ni maroroakin kawai ake a kona iai ni buokaki am utu ni buoka katean Tion inanon mweengam ao n am komiuniti.
Nakomai, Iriirai Buokan te Kamatebwai
Taraa iteraniba 26 ibukin rongorongo iaon atun maroro aika kaokoro inanon Nakomai, Iriirai ni boutoka am kamatebwai n Reirei ao Berita aika Tabu n te namwakaina aei.