Waaki n Reitaki n te Kombiuta A Karika te Inanoi

E mwanenaki man te Beretitenti ni Kabuta n te Moanrinan, te kanoa ibukiia ataei, kaaro, ao taan kairiiri e kairaki iroun te ataeinimwaane ao te ataeinnaine n te taetae ni Imatang, Spanish, ke Botukare. Tabeman ataei a aanga ribooti man mwakoron nako te aonaba. Te kaongora e kaota te tamnei ni karakinan Iesu Kristo, te rongorongo ibukiia ataei mairoun Beretitenti Russell M. Nelson, te intawaiu ma Unimwaane Ulisses Soaes man te Kooram n Abotoro n te Tengaun ma Uoman ibukin berita aika tabu n te babetito ao te marooro ma te Beretitenti ni Kabuta n te Moanrinan. Kanoana bon te korotamnei, korobanna, ao te anene. E a tia n rairaki te kanoa aei ao e tauraoi n te matakuakinaki n taetae aika mwaiti. E na tauraoi naba mwakorona ae uarereke ibukin te kamatebwai n te mweenga.

Te Beretitentii ni Kabuta n te Bootaki n Ataeinaine e karaoa ana kanoa rinanon te kombiuta are e mwaakena naba ana 150 n rekenibong te rabwata ae te Bootaki n Ataeinaine. E na kanakoaki i nanon 11 taian taetae. Iai ana rongorongo Beretitenti Nelson are raweia, ao taan kairiiri irouia Ataeinnaine a kaekai titiraki n te taetae ni Imatang, Spanish, ao Botukare. Ataeinaine i Norway ao Thailand a kaira te tataro. I nanon 2020, ataeinaine ni mwakoron nako te aonaba a kaungaaki bwa a na karaoi mwakuri n ibuobuoki ae 150 mwaitina.

E raka iaon teuana te mirion taan kakae n rongorongon te utu are a mataku rinanon te kombiuta n te kanoa ae te RootsTech i nanon Beberuare 2021. Bon te kabanea ni mwaiti n aomata n te waaki are e riki bwa te kabanea ni bubura ni mronron ibukin bukamaruaan te kakae n rongorongon te utu. RootsTech e a tia ni karekea te tabo n reirei n te kombiuta are e na tauraoi nakoia aomata rinanon nako te ririki. Unimwaane Jeffrey R. Holland man te Kooram n Abotoro n te Tengaun ma Uoman ao kainnabana, Patricia, bon taan taetae n Bongin Kakaean te Riki, are bon mwakoron te Ikotaki.

Te bukamaru n te Katangitang ibukiia te Roronrikirake a kanoaaki irouia taan anene ao kaotakin koaua. Kairake mai Nu Tiran, Brazil, te Dominican Republic, Tiaman, Aberika Maiaki, ao Biribin a kaira te burokuraem, are e boboto iaon te botoniango ibukia kairake n te Ekaretia n te ririki 2021, “Te Mwakuri ae Korakora” (tara Reirei ao Berita aika Tabu 64:33–34). Reitan te anene ao maroro ake a boboto iaon Kristo mairouia aia roro, kairake a ongora iroun Beretitenti Nelson; Beretitenti Bonnie H. Cordon, Beretitenti ni Kabuta n te Bootaki n Ataeinaine; ao Beretitenti Steven J. Lund, Beretitenti n te Bootaki n Ataeinimwaane.

Beretitenti Jean B. Bingham, Beretitenti ni Kabuta n te Bootaki n Aine, bon te tia taetae n te kanimaua ni bukamaru n te ririki ibukin Aia Bong Aine ni Kairiri. E mwanenaki iron te tia kairiri man te Republic of Senegal, te kanoa ae kanakoaki rinanon te kaombiuta are e nako mai Los Angeles, California, USA. Beretitenti Bingham e tuangiia koraki ake a ongora ake bon taan bitineti ao mataniwi n tautaeka bwa te reirei bon kiingin te tokanikai ibukiia aine ao ataeinnaine ni kabuta te aonaba. E tibwauai rongorongoia aine ake a kakabwaiaaki man ana waaki te Ekaretia ibukin te Reirei.

Kaain te Ekaretia ao raoraoia man aaro ake tabeua man mwakoron nako te aonaba a kanakoi aia tamnei ni kakiritimati are a karikaki bwa te kaotioti ao a kanakoaki iaon ChurchofJesusChrist.org n tain te Kiritimati aei bwa kanoan te Waaki ibukin Kaotaan te Aonaba n Tain te Kiritimati.