Unimwaane Clark G. Gilbert

E bati ae kinaa Unimwaane Clark G. Gilbert bwa te beretitenti n te BYU–Pathway Worldwide ao bwa te bretitenti ngkoa n te Brigham Young University–Idaho. E bati naba ae e kinaa ibukin ana kakauiango ibukin katean te reirei n te aonraain ibukin karekean te beba man kuura n reirei ae rietata.

E taku Unimwaane Clark bwa ana tokanikai a reke man ana beku n te Ekaretia—buokakiaa ataeinimwaane n te kaawa ae Boston, Massachusetts, USA—ao katauraoana bwa e na kona n uota te reirei nakoia aomata aika mwaiti. Te beku aei e roko irouna n ana tai n tabetabe n ana reirei n te katenrinan ao i nanon ana tai n tabekina ana utu ae uarereke.

“E karako te boutoka nakoia ataeinimwaane aikai. A riki bwa raora i nanon maiura, ao e rikirake tangiraia iroura,” e taku. “I reiakinai te kakauongo nakon te Uea ao I ataia bwa E mena i nanon maiuia. I kona n ongon bwanaana ae tuangai bwa tera ae I riai ni karaoia ibukiia.”

Unimwaane Gilbert e taku bwa te Uea e reireina bwa e kanga aron kainanoia tabeman. “E aki ti katauraoai nakon au reirei, ma E kaotia nakoiua bwa tera ae kona ni karaoia inaon maiuia aomata n te aro ae nano, man onoti.”

E bungiaki Clark Gordon Gilbert i Oakland, California, USA, n Tuun 18, 1970, ana karo Paul ma tinana Susan Gilbert. E ikawai rake i Phoenix, Arizona, USA. Imwin ana mitinare n te Japan Kobe Mition, e mare ma Christine Calder i nanon 1994 n te Salt Lake Tembora. Iai waniman natiia.

E reke ana tikuri Unimwaane Gilbert n te international relations i nanon 1994 man te reirei ae Brigham Young University, ana matita tikuri n te Asian Studies i nanon 1995 man Stanford University, ao te taokita n te business administration n 2001 man Harvard University. E a tia ni mwakuri bwa te bonomwi n tia reirei n ana Reirei Harvard n te Bitineti, te kauoman ni beretitenti n te BYU–Idaho, ao te beretitenti ao te mataniwi n te Deseret News ao Deseret Digital Media.

Bon te Itingaun n te Aono ngaia ngke e weteaki, e a tia Unimwaane Gilber ni beku bwa te beretitenti n aia kooram unimwaane, kauntira n te beretitentii n te Bootaki n Ataeinimwaane n te titeiki ao n te beretitentii n te titeiki, ao te bitiobi.