Dispela em i Raitpela Nem bilong dispela Sios

Ol bilaved brata na susa bilong mi, long dispela naispela Sabat de yumi hamamas wantaim long planti blesing bilong yumi i kam long Bikpela. Mipela gretful tumas long ol testimoni bilong yupela long dispela gospel bilong Jisas Krais i kambek pinis, long olgeta sakripais yupela i bin mekim long stap long o tanim bek i kam long kavanen rot bilong Em, na long holi sevis bilong yupela long Sios bilong Em.

Tede mi pilim strong long toktok wantaim yupela long dispela samting we i impoten tru. Sampela wik i go pinis, mi autim wanpela tokaut long wokim stret long nem bilong Sios.¹ Mi wokim dispela long wanem Bikpela i putim long tingting bilong mi impotens bilong dispela nem Em i autim bilong Sios bilong Em, olsem Sios Bilong Jisas Krais Bilong Ol Seint Long Las De²

Olsem yupela inap lukim, ol bekim long dispela tok na long dispela stail gaid mipela i bin lukluk gen long en³ i bin kainkain. Planti memba bin wantu tasol stretim nem bilong Sios long ol blog na sosel midia pes bilong ol. Ol narapela lain i bin tingim wai, wantaim olgeta samting i wok long kamap nau insait long dispela wol, em i impoten long tok strong long samting we i no impoten. Na sampela i tok ol bai no inap long wokim dispela, olsem na wai bai ol i traim long wokim? Larim mi tok klia long wai mipela i wari tru long dispela samting. Tasol pastaim tru larim mi tokaut long wanem tru dispela wok i no soim:

• Em i nowanpela senis long nem.

• Em i nolong givim nupela lukluk.

• Em i no bilas.

• Em i no wanpela kain kwiktaim aidia.

• Na em i no no impoten.

Tasol, em i wanpela samting mipela i stretim. Em i oda bilong Bikpela. Joseph Smith i no bin givim nem long dispela Sios em i bringim kambek; na tu Momon i no bin wokim dispela. Em i bin Sevia Em yet husat i bin tok, “Long dispela bai ol i kolim sios bilong mi long ol dispela las de, olsem Sios Bilong Jisas Krais Bilong Ol Seint Long Las De.”⁴

Olsem bipo, long AD 34, Bikpela bilong yumi bihain long em i kirap bek long dai, bin givim sem toksave long ol memba bilong Sios bilong Em taim Em i visitim ol long ol America. Long dispela taim Em i bin tok:

“Yupela bai kolim dispela sios long nem bilong mi . …

Na em i kamap sios bilong mi olsem wanem, sapos nem bilong mi i no givim long sios? Long wanem, sapos nem bilong Moses’ em i bin givim long sios, em i sios bilong Moses’, o sapos nem bilong wanpela man em i bin givim long sios, em i sios bilong wanpela man, tasol sapos nem bilong mi mi bin givim long sios, em i sios bilong mi, sapos ol pipol bilong sios i sanap long gutnius bilong mi.”⁵

Olsem, dispela nem bilong dispela Sios i no bilong toktok moa long en. Taim Sevia bin tokaut klia wanem nem bai Sios bilong Em bai gat na tu long go pas long tokaut bilong Em wantaim, “Olsem yupela bai kolim sios bilong mi,” Em i bin tok strong. Na sapos yumi larim long yusim ol niknem o adoptim o tu baim ol dispela niknem yumi yet, Em bai no hamamas.

Wanem i stap long nem o, olsem long hia, wanpela niknem? Taim yumi toktok long ol niknem bilong dispela Sios, olsem dispela “LDS Sios,” dispela “Momon Sios,” o dispela “Sios bilong ol Lata-de Seint,” impoten samting tru longol dispela nem em dispela raus bilong nem bilong Sevia. Long rausim nem bilong Bikpela long Sios bilong Bikpela em i wanpela bikpela win bilong Satan. Taim yumi lusim aut nem bilong Sevia, yumi wok long liklik liklik i no luk save long olgeta em Jisas Krais i wokim bilong yumi—olsem Atonmen bilong Em.

Tingim dispela long lukluk bilong Em: Long laip bipo, Em i Jehovah, God bilong Olpela Testamen. Ananit long direksen bilong Papa bilong Em, Em i kamap Man i wokim olgeta samting bilong dispela na ol narapela wol.⁶ Em i bin laik long givim em yet long laik bilong Papa bilong Em na wokim samting bilong olgeta long pikinini bilong God olsem nogat narapela man inap long wokim! Antap long ol narapela long kam long ples graun olsem Wanpela Pikinini Man Tasol God i karim Em long graun, ol i bin no laikim Em tru, tok bilas long Em, spet antap long Em, na paitim Em. Long Gaden bilong Getsemeni, Sevia bilong yumi i bin kisim antap long Em yet olgeta pen, olgeta sin, na olgeta bilong ol bikpela pen na hat taim long wanpela taim yu na mi bai pilim na olgeta manmeri tu, husat i bin stap long dispela graun na tu olgeta husat bai stap long dispela graun. Ananit long hevi bilong dispela hevi i gat bikpela pen tru, Em bin kapsaitim blut long olgeta skin bilong Em.⁷ Olgeta dispela pilim pen bin go bikpela moa yet taim ol i bin hangamapim Em long diwai kros long Kalvari.

Thru long ol dispela ekspiriens wantaim bikpela pen na bihain Kirap Bek bilong Em—Atonmen bilong Em we i bikpela tumas—Em i givim laip oltaim oltaim long olgeta na baim bek yumi wanwan long nogut bilong sin long lukluk bilong tanim bel pasin bilong yumi.

Bihainim Kirap Bek bilong Sevia na dai bilong ol Aposol bilong Em, dispela wol i bin pundaun i go long planti yia bilong tudak. Bihain long yia 1820, God Papa na Pikinini Man bilong Em Jisas Krais, bin kamap long Profet Joseph Smith long statim dispela Ristoreisen bilong Sios bilong Bikpela.

Bihain long olgeta samting Em i bin karim—na bihain long olgeta Em i bin wokim bilong ol manmeri bilong dispela graun—mi luk save wantaim bikpela sori olsem yumi bin i no tingting gut na wanbel tasol long Sios bilong Bikpela em i kambek pinis long kisim ol narapela nem, wanwan bilong ol we rausim sekret nem bilong Jisas Krais!

Olgeta Sande taim yumi wantaim stretpela pasin kisim sakramen, yumi mekim nupela gen sekret promis long Papa bilong yumi long Heven olsem yumi laik tasol long kisim antap long yumi yet nem bilong Pikinini Man bilong Em, Jisas Krais.⁸ Yumi promis long bihainim Em, tanim bel, holimpas ol komanmen bilong Em, na olgeta taim tingim Em.

Taim yumi rausim nem bilong Em long Sios bilong Em, yumi wok long no tingting na rausim nating Em olsem lukluk long namel long laip bilong yumi.

Long kisim nem bilong Sevia antap long yumi yet em i min tu olsem yumi tokaut na witnes long ol narapela—thru long ol pasin na toktok bilong yumi—olsem Jisas em i Krais. Yumi bin poret tru long mekim nogut sampela lain husat i kolim yumi “Momon” olsem yumi bin feil long banisim Sevia Em yet, long sanap strong long Em tu long nem we bai yumi ken kolim Sios bilong Em.

Sapos yumi olsem wanpela pipol na olsem ol wanwan manmeri i bai gat wei long kisim dispela pawa bilong Atonmen bilong Jisas Krais—long klinim na oraitim yumi, long strongim na sanapim yumi strong, na bihain tru long apim yumi—yumi mas klia tru long luk save long Em olsem as bilong dispela pawa. Yumi ken stat long kolim Sios bilong Em long nem Em i bin autim.

Long planti lain long dispela wol, Sios bilong Bikpela em i wok long hait olsem dispela “Momon Sios.” Tasol yumi olsem ol memba bilong Sios bilong Bikpela i save husat i sanap long het bilong en: Jisas Krais Em yet. Sori long tok, planti husat i harim dispela nem Momon i bai tingting olsem yumi save lotuim Momon. Nogat tru! Yumi onaim na rispektim dispela bikpela profet bilong America bilong taim bipo. ⁹ Tasol yumi i no ol disaipol bilong Momon. Yumi ol disaipol bilong Bikpela.

Long taim bipo bilong dispela Sios i kambek pinis, ol tok olsem Momon sios na Momons¹⁰ bin planti taim ol man save yusim olsem ol niknem—olsem ol tok i save givim pen, ol tok nogut—ol i mekim long bagarapim han bilong God long bringim kambek dispela Sios bilong Jisas Krais long ol dispela las de.¹¹

Ol brata na susa, i gat planti tok kros bilong dispela wol agensim bringim kambek stretpela nem bilong dispela Sios. Bikos long dispela wol bilong komputa yumi stap long en nau na wantaim ol wei bilong painim ol samting i isi tumas em i halivim yumi olgeta long painim ol infomesen yumi nidim kwiktaim tru—na tu infomesen long Sios bilong Bikpela—ol lain bilong toktok planti i tok olsem long stretim long dispela taim em i no gutpela tingting. Ol narapela lain i pilim olsem bikos planti lain stret i save long yumi olsem ol “Momons” na olsem “Momon Sios”, yumi i mas mekim gutpela yus long dispela.

Sapos dispela em wanpela toktok long lukluk bilong wanpela ogenaisesen bilong man, ol dispela tok kros inap long win. Tasol long dispela bikpela samting, yumi lukluk long Em husat dispela Sios i bilong em na luk save olsem ol wei bilong Bikpela i no, na bai no inap stret, olsem ol wei bilong man. Sapos yumi bai strongim bel na sapos yumi bai wokim hap bilong yumi gut, Bikpela bai lidim yumi thru long dispela impoten samting. Bihain stret, yumi save olsem Bikpela save halivim ol dispela lain husat i lukluk long wokim laik bilong Em, olsem tasol Em i bin halivim Nifai long pinisim dispela wok bilong wokim sip long brukim solwara.¹²

Yumi bai laik long kamap wokim gut na strongim bel long ol wok bilong yumi long stretim ol dispela rong. Ol midia husat i risponsibol bai gat sori pasin long bekim bilong askim bilong yumi.

Long wanpela jenerol konferens i go pinis, Elda Benjamin De Hoyos bin toktok long dispela kain samting. Em i tok:

“Sampela yia i go pinis taim mi wok long sev long opis bilong pablik afes bilong sios long Mexico, [wanpela poroman na mi] bin kisim invait long go insait long wanpela redio tok so. … [Wanpela long ol progrem direkta] bin askim [mipela], ‘Wai na dispela Sios i gat wanpela longpela nem? …’

“Poroman bilong mi na mi smail long wanpela kain nambawan askim na bihain go het long tok klia olsem dispela nem bilong dispela Sios i no man i bin putim. Em Sevia i bin givim. … Dispela progrem direkta kwiktaim na wantaim rispek i bekim na tok, ‘Olsem mipela bai ripitim dispela wantaim bikpela hamamas.’”¹³

Dispela ripot i givim wanpela mak. Yumi wanwan, ol gutpela hat wok bilong yumi olsem ol wanwan manmeri, em bai nidim long stretim ol rong we i bin kam insait isi isi long ol yia i go pinis.¹⁴ Ol narapela lain long dispela wok bai inap o bai i no inap long bihainim eksampol bilong yumi long kolim yumi long stretpela nem. Tasol em i no stret long yumi long kros sapos planti long dispela wol kolim dispela Sios na ol memba bilong em long rong nem na yumi tu wokim wankain.

Nupela stail gaid bilong yumi em i bai halivim. Em i tok olsem: “Long nambawan taim, dispela olgeta nem bilong dispela Sios i gutpela moa: ‘Sios Bilong Jisas Krais Bilong Ol Seint Long Las De.’ Taim ol i nidim wanpela sotpela [nambatu] nem, dispela ol nem ‘dispela Sios’ o dispela ‘Sios bilong Jisas Krais’ ol i moa beta. Dispela ‘ristod Sios bilong Jisas Krais’ em i stret tu na i moa beta.”¹⁵

Sapos wanpela i bai askim, “Yu wanpela Momon?” yu inap long bekim olsem, “Sapos yu wok long askim sapos mi wanpela memba bilong Sios Bilong Jisas Krais Bilong Ol Seint Long Las De, yes, em tru!”

Sapos wanpela i bai askim, “Yu wanpela Lata-de Seint?” ¹⁶yu inap long bekim, “Yes, em tru. Mi bilip long Jisas Krais na mi memba bilong ristod Sios bilong Em.”

Ol dia brata na susa bilong mi, mi promisim yupela olsem sapos yumi bai wokim best bilong yumi long bringim bek stretpela nem bilong Sios bilong Bikpela, Em husat dispela Sios i bilong em bai kapsaitim pawa bilong Em i kam daun na ol blesing kam antap long ol het bilong ol Seint bilong Las-de,¹⁷olsem yumi no save lukim bipo. Yumi bai gat save na pawa bilong God long halivim yumi long kisim ol blesing bilong dispela ristod gospel bilong Jisas Krais i go long olgeta nesen, famili, wantok, na pipol na long redim dispela wol long Nambatu Kam bilong Bikpela.

Olsem na, wanem i stap long wanpela nem? Taim em i kam long nem bilong Sios bilong Bikpela, bekim em “Olgeta Samting!” Jisas Krais i direktim yumi long kolim dispela Sios long nem bilong Em long wanem em i Sios bilong Em, pulap wantaim pawa bilong Em.

Mi save olsem God i stap laip. Jisas em i Krais Em i go pas long Sios bilong Em tede. Mi testifai long dispela long sekret nem bilong Jisas Krais, amen.