Stap Insait bilong ol Sista long Bungim Wantaim bilong Israel

Em i gutpela long stap wantaim yupela, ol dia sista bilong mi husat i gat bikpela valu. Ating wanpela ekspiriens bilong mi long nau bai givim yupela long wanpela luksave long hau mi pilim long yupela na ol save bilong antap we wantaim dispela yupela i kisim endaumen.

Wanpela de taim mi wok long toktok long wanpela grup long South America, mi bin pilim bel (bilong mi) i kirap tru long topik mi wok long toktok long en, na long wanpela liklik taim we i impoten tru, mi tok, “Olsem mama bilong 10pela pikinini, mi ken tokim yupela olsem …” Na bihain mi go het long pinisim toktok bilong mi.

Mi no bin save olsem mi bin kolim dispela wod mama. Man husat i wok long tanim tok bilong mi, i bin ting olsem mi bin mekim wanpela asua, na senisim wod mama i go long papa, olsem na ol manmeri i no bin save olsem mi bin toktok long mi yet olsem mama. Tasol meri bilong mi Wendy i bin harim dispela, na em i bin hamamas wantaim liklik rong bilong mi.

Long dispela liklik taim, dispela bikpela laik bilong bel bilong mi long mekim wanpela senis long dispela wol—olsem tasol wanpela mama inap wokim—i kirap kamap antap long bel bilong mi. Long olgeta yia i go pinis, olgeta taim ol lain i save askim mi wai na mi bin laik long kamap medikol dokta, bekim bilong mi olgeta taim em i wankain:”Long wanem mi no bin inap long kisim long laik bilong mi yet long kamap wanpela mama.”

Plis luk save olsem olgeta taim mi save yusim dispela wod mama, mi no toktok tasol long ol meri husat i bin karim pikinini o kisim na lukautim wanpela pikinini long dispela laip. Mi wok long toktok long olgeta long ol bikpela pikinini meri bilong Papamama long Heven. Olgeta meri i mama thru long gutpela pasin stret bilong laip oltaim oltaim bilong ol we i santu.

Olsem na nau long dispela nait, olsem papa bilong 10pela pikinini—nainpela pikinini meri na wanpela pikinini man—na olsem Presiden bilong Sios, mi prei olsem yupela bai pilim hau mi pilim strong stret long yupela—long yupela husat stret na gutpela samting yupela i ken wokim. Nogat wanpela manmeri inap wokim wanem samting wanpela meri wantaim stretpela pasin inap wokim. Nogat wanpela manmeri inap wokim gen dispela pawa bilong mama.

Ol man i ken na planti taim save tokaut long lav bilong Papa long Heven na Sevia long ol narapela lain. Tasol ol meri gat spesol presen long dispela— endaumen em i santu. Yupela i gat save long pilim wanem wanpela man o meri i nidim—na wanem taim ol i nidim samting. Yupela i ken putim aut han bilong yupela, long kamfotim, tisim, na strongim wanpela man o meri long taim tru ol i nidim.

Ol meri i save lukim ol samting narakain long ol man, na tru, mipela i nidim tru tingting bilong yupela! Pasin bilong yupela i save lidim yupela long tingting long ol narapela lain pastaim, long tingim wanem samting wanpela kain plen bai gat long ol narapela.

Olsem Presiden Eyring i bin tokaut long en, em i bin Mama Eve husat i nambawan tru—wantaim visin bilong em long plen bilong Papa long Heven, we i impoten tru—husat i bin statim wanem yumi save kolim “dispela Pundaun.” Dispela gutpela save bilong em na strongpela sois na tingting bilong sapot bilong Adam i bin muvim plen bilong hamamas bilong God i go het. Ol i mekim isi long yumi wanwan long kam long dispela ples graun, kisim wanpela bodi, na soim aut i tru olsem yumi inap long laik bilong yumi long kirap na sanap long Jisas Krais nau, olsem tasol yumi bin wokim long taim bipo long dispela ples graun.

Ol dia sista bilong mi, yupela i gat spesol presen bilong spirit na pasin. Long dispela nait nau mi tok strong long yupela, wantaim olgeta hop long bel bilong mi, long prei long save long ol presen bilong spirit bilong yupela—long planim ol, yusim, na mekim ol bikpela, inap moa long yupela bin mekim bipo. Yupela bai senisim dispela wok taim yupela wokim olsem.

Olsem ol meri, yupela litimapim tingting bilong ol narapela na putim standat i gutpela stret long ol narapela long bihainim. Larim mi givim yupela liklik as tingting long tupela bilong ol bikpela tokaut we i bin kamaut long las jenerol konferens. Yupela, ol dia sista bilong mi, i bin ki long wanwan long ol dispela.

Nambawan, ministering. Nambawan moa standat bilong ministering em bilong Sevia bilong yumi, Jisas Krais. Planti taim, ol meri nau, na i bin olgeta taim, klostu moa long dispela standat moa long ol man. Taim yupela wok long mekim trupela ministering, yupela wok long bihainim ol filing bilong yupela long halivim wanpela narapela long pilim moa long lav bilong Sevia. Dispela laik long minista em i strongpela moa long ol stretpela pasin meri. Mi save long ol meri husat i save prei olgeta de olsem, “Husat bai yu laikim mi long halivim tede?”

Pastaim long Epril 2018 tokaut long dispela stretpela moa na holi moa wei long lukaut long ol narapela, laik bilong sampela man i bin long tikim hom tisin wok bilong ol olsem “pinis” na muv i go long narapela hap wok.

Tasol taim yupela pilim olsem wanpela sista yupela visitim na tisim i bin nidim halivim, yupela bekim nau tasol na bihain long olgeta taim long dispela mun. Olsem na, em i bin hau yupela bin visit na tis em bin kirapim bel bilong mipela long muvim dispela wok i go long ministering.

Nambatu, long dispela las jenerol konferens, mipela bin senisim tu ol kwarom bilong Melkizedek Prishud. Taim mipela i bin wok long traim hat long hau long halivim ol man bilong Sios long kamap moa beta long wok long ol risponsibiliti bilong ol, mipela save lukluk gut long tingim ol eksampol bilong Rilif Sosaiti.

Long Rilif Sosaiti, ol meri long olgeta kainkain krismas na laip i save bung wantaim. Long wanwan 10pela yia laip i save bringim ol narakain salens, tasol, yupela stap long hap, olgeta wik, bung wantaim, gro na tisim gospel wantaim, na mekim trupela senis long dispela wol.

Nau, bihainim eksampol bilong yupela, ol lain husat i holim Melkizedek Prishud ol i memba bilong kwarom bilong ol elda. Ol dispela man krismas bilong ol i stap long 18pela krismas i go long 98pela krismas (na moa), wantaim tu kainkain prishud na ekspiriens long Sios. Ol dispela brata nau inap kamapim strong moa ol rilesisensip namel long ol man yet, lainim ol samting wantaim, na blesim ol narapela moa beta.

Yu tingim olsem long las Jun, Sista Nelson na mi i toktok long ol yut bilong Sios. Mitupela askim ol long joinim grup bilong ol yangpela manmeri bilong Bikpela long halivim long bungim Israel long tupela sait bilong vel. Dispela bungim em “bikpela moa yet salens, bikpela moa yet samting, na bikpela moa yet wok long dispela graun tede”!¹

Em i wanpela samting em i tru tru nidim ol meri, long wanem ol meri i save wokim kamap bihain taim. Olsem na long dispela nait nau mi givim i go wanpela profetic krai long yupela, ol meri bilong Sios, long wokim kamap bihain taim thru long halivim long bungim Israel em bruk nambaut i stap.

Bai yupela inap long stat we?

Inap mi givim aut fopela invitesen:

Nambawan, mi invatim yupela long kam insait long wanpela 10pela de fas or lusim sosel midia na long ol narapela midia em i bringim tingting we i nogut na i no klinpela long tingting bilong yupela. Prei long save wanem ol samting long rausim namel long fas bilong yupela. Gutpela bilong 10pela de fas bilong yupela i ken mekim yupela kirap nogut. Wanem samting bai yu luk save long en bihain long kisim liklik malolo long ol lukluk bilong dispela wol em bin wok long bagarapim spirit bilong yupela? I gat sampela senis long we yupela nau laik long putim taim na strong bilong yupela? I gat sampela bilong ol samting i impoten long laip bilong yupela i raus—maski liklik tasol? Mi askim yupela long rekotim na pinisim gut wantaim wanwan aidia.

Nambatu, mi askim yupela long ridim Buk Momon namel long nau na pinis bilong dispela yia. Maski olsem dispela i luk hat tumas wantaim olgeta samting yupela wok long traim long mekim insait long laip bilong yupela, sapos yupela bai kisim dispela askim wantaim olgeta bel bilong yupela, Bikpela bai halivim yupela long painim wei long wokim. Na, taim yupela stadi wantaim preya, mi promis olsem ol heven bai op long yupela. Bikpela bai blesim yupela wantaim moa inspiresen na revelesen.

Taim yupela wok long rid, mi strongim bel bilong yupela long makim wanwan ves em i toktok long o poin i go long Sevia. Bihain, plenim long toktok long Krais, hamamas long Krais, na tokaut long Krais wantaim ol famili na pren bilong yupela² Yupela na ol bai kam klostu moa long Sevia thru long dispela wei. Na ol senis, na tu ol mirakel, bai wok long kamap.

Dispela moning tokaut long ol nupela Sande program na karikulum Sios sapotim bilong hom i bin go aut. Yupela, ol dia sista bilong mi, i ki long win bilong dispela nupela wei long tisim gospel yumi bai ronim, we i balans. Plis tisim ol dispela lain yupela lavim wanem yupela wok long lainim long ol skripsa. Tisim ol hau long tanim i go long Sevia long hiling na klinim pawa bilong Em taim ol i wokim sin. Na tisim ol long hau long kisim strong long strongpela pawa bilong Em olgeta de long laip bilong ol.

Nambatri, kamapim wanpela wei bilong go long temple planti taim. Dispela i ken nidim liklik moa sakrifais long laip bilong yupela. Planti taim moa long temple bai larim Bikpela long tisim yupela hau long kisim long prishud pawa bilong Em we wantaim dispela yupela bin endau long temple bilong Em. Long yupela ol dispela lain husat i no stap klostu long wanpela temple, mi askim yupela long stadi wantaim preya long ol temple insait long ol skripsa na insait long ol toktok bilong ol profet i stap laip. Painim long save moa, long luk save moa, long pilim moa long ol temple moa long yupela bin save long bipo.

Long yut divosinol bilong olgeta wol long las Jun, mi bin toktok long wanpela yangpela man husat laip bilong em i bin senis taim ol papamama bilong em i bin senisim smat fon bilong em long wanpela flip fon. Mama bilong dispela yangpela man i wanpela strongpela meri bilong feit. Em i bin lukim pikinini man bilong em wok long tirip i go long ol sois we bai i ken stopim em long sevim misin. Em bin kisim ol krai bilong em i go long temple long save hau tru long halivim pikinini man bilong em. Bihain em i pinisim gut wantaim olgeta aidia.

Em i tok: “Mi pilim Spirit i soim mi long sekim fon bilong pikinini man bilong mi long wanem taim stret long lukim ol wanem samting stret. Mi no save long hau long lukluk insait long ol dispela smat fon, tasol Spirit i soim mi long olgeta sosel midia we mi no save yusim tu! Mi save Spirit i save halivim ol papamama husat i wok long painim rot long lukaut long ol pikinini bilong ol. [Pastaim] pikinini man bilong mi i bin belhat long mi. … Tasol bihain long tripela de, em i tok tenkyu long mi! Em i bin inap long pilim senis.”

Pasin na strongpela pasin bilong pikinini man bilong em i bin senis narakain olgeta stret. Em i bin kamap olsem em i halivim moa long haus, smail moa, na bin putim yau moa long ol toktok long sios. Em i bin laikim stret long sev long liklik taim insait long wanpela temple baptisim wok na redim em yet long misin bilong em.

Nambafo askim bilong mi, long yupela husat i wankain krismas olsem mi, em long kam insait moa olgeta long Rilif Sosaiti. Mi askim yupela long stadim nupela as toktok bilong Rilif Sosaiti. Em i inap long litimapim tingting. Em i ken soim yupela long kamapim as toktok bilong yupela yet bilong laip bilong yupela. Mi askim yupela tu long kisim ol tok tru insait long tokaut bilong Rilif Sosaiti ol i bin putim aut klostu long 20pela yia i go pinis.³ Wanpela kopi bilong dispela tokaut i hangamap long wal insait long opis bilong Nambawan Presidensi. Mi save hamamas tru olgeta taim mi save ridim. Em i tok klia long yupela husat tru na husat Bikpela i nidim yupela long kamap long dispela taim tru taim yupela wokim hap bilong yupela long halivim long bungim wantaim Israel i stap nambaut.

Ol dia sista bilong mi, mipela nidim yupela! Mipela “nidim strong bilong yupela, kam insait bilong yupela bilip bilong yupela save bilong lidim ol lain, bilong yupela bikpela save, bilong yupela na ol nek bilong, bilong yupela⁴ Em i olsem tasol mipela i no inap long bungim Israel mipela yet, mipela nidim yupela.

Mi lavim yupela na tok tenkyu long yupela na nau blesim yupela wantaim save long lusim dispela wol bihain taim yupela halivim long dispela impoten na wok yumi nid long wokim kwiktaim. Yumi olgeta wantaim i ken wokim olgeta samting olsem Papa bilong yumi long Heven i nidim yumi long wokim long redim dispela wol long Nambatu Kam bilong Bilaved Pikinini Man bilong Em.

Jisas em i Krais. Dispela em i Sios bilong Em. Long dispela mi testifai long nem bilong Jisas Krais, amen.