Wok long Redi long Harim Nek bilong God

Presiden Uchtdorf i tok klia long hau nambawan samting God i bin wokim bihain long em i mekim kamap man na meri em long toktok long ol na givim ol long ol gutpela moa toksave na skul. Yumi kisim dispela wankain blesing long April na Oktoba insait long jenerol konferens, taim ol Sios lida i toktok long yumi na givim yumi long kaunsel olsem Bikpela i laik bai yumi i harim.

Yu bin wanpela taim tu harim nek bilong God tru long ol wokman bilong Em insait long jenerol konferens? Yu bin wanpela taim pilim olsem wanpela hap tok i bin givim yu bekim yu bin wok long painim? Insait long wanpela jenel, yu i ken raitim i go daun dispela ekspiriens na hau em i bin halivim yu. Sapos olsem redi long harim nek bilong Bikpela long dispela konferens bai kam klostu na raitim i go daun ol askim yu i gat na stadim ol long skripsa stadi bilong yu. Prei long Papa long Heven, na askim long kisim ol bekim na luksave long dispela konferens. Taim yu wok long harim ol wokman bilong Bikpela, putim tingting long ol filing yu wok long kisim. Wanem samting yu bin lainim? Hau na yu pilim olsem yu kisim strong long senis? Raitim i go daun ol dispela filing bikos dispela em Spirit i wok long toktok long yu!

Olgeta taim holim long tingting olsem Papa long Heven i lavim yu na bai soim rot long raitpela direksen long yu. Taim yu wok long wok hat long harim nek bilong Em tru long ol wokman bilong Em, yu bai kisim blesing na kamap strong.