Prei long Wanwan Sista na Kolim Nem bilong Ol

Feit, Famili, Rilif

Ol skripsa sherim planti eksampol long ol man na meri husat i prei long ol narapela na kolim ol long wanwan nem bilong ol. Namel long ol dispela strongpela stret em Papa bilong Yangpela Alma. Wanpela ensel bin toktok long Yangpela Alma, na tokim em olsem Papa bilong em “i [bin] prei wantaim planti feit tru long yu … ; olsem na, long dispela as mi bin kam long tok strong long yu long dispela pawa na atoriti bilong God, olsem dispela ol preiya bilong ol wokman bilong em bai inap kamap ananit long feit bilong ol” (Mosiah 27:14).

Taim yumi prei long wanpela narapela bel bilong yumi bai op long kisim blesing em Bikpela i laik long givim yumi. “As bilong preiya i no long senisim laik bilong God, tasol long banisim bilong yumi yet na bilong ol narapela lain ol blesing em God i redi pinis na laik long givim, tasol olsem yumi i mas askim long ol olsem bai yumi inap kisim.”¹

Wanpela sista i tok olsem namel long wanpela hatpela taim long laip bilong em, wanpela telepon kol o wanpela liklik teks mesis planti taim i save kam long ol visiting tisa bilong em long ol dispela “de bilong tudak tru.” I luk olsem ol i save save long taim stret em i nidim halivim. Em i bin save olsem ol bin prei long em, long taim ol i save visitim em na tu long ol narapela taim.

Julie B. Beck , pastaim Jenerol Rilif Sosaiti Presiden i tok: “Tingting long strong bilong yumi olgeta wantaim sapos olgeta sista i mekim trupela preiya olgeta moning na olgeta nait o, gutpela moa yet, prei olgeta taim olsem Bikpela i tok strong long yumi long wokim.”² Taim yumi prei long ol dispela lain yumi visitim na tisim bai yumi strongim yumi yet wanwan na olsem ol Lata-dei Seint meri.

Presiden Henry B. Eyring, Nambawan Kaunsel insait long Nambawan Presidensi, i tok: “Prei long wei long save long bel bilong ol. … Yu bai nid long save wanem samting God bai laikim yu long wokim long halivim ol na long wokim olgeta, o klostu olsem yu inap, na pilim lav bilong God long ol.”³