Laip Bilong Disaipol

Tripela ten yia igo pinis long kauntri Ghana, wanpela yangpela skul studen nem bilong em Doe i wokabaut igo insait long wanpela LDS mitinghaus long nambawan taim. Wanpela pren ibin askim Doe long kam wantaim em, na Doe ibin laik long kisim save long dispela long save Sios ibin wanem kain.

Ol pipol long Sios ibin nais and gutpela long em olsem em ibin wok long tingting istap olsem, “Wanem kain Sios stret em dispela?”

Doe ibin pilim na kisim gutpela tingting olsem na em i wokim desisen long lainim moa long dispela Sios na ol pipol bilong em, husat em i lukim olsem ol igat planti hamamas tru. Tasol taim em i wok long wokim dispela, ol gutpela femili na pren bilong em wok long agensim em long olgeta wei. Ol bin tok ol rabis samting long Sios na wokim olgeta samting ol inap long wokim long tok strong long em long noken bihainim tingting bilong em.

Tasol Doe i bin kisim pinis wanpela testimoni.

Em i bin gat feit, na em i lavim dispela gospel, we i wok long pulumapim laip bilong em wantaim hamamas tru. Na olsem, em i bin go insait long wara bilong baptisim.

Bihain, em i putim em yet i go insait long stadi na preiya. Em i lusim kaikai na bin painim dispela tingting bilong Holi Gos insait long laip bilong em. Olsem kambek bilong en, testimoni bilong Doe na feit bilong em i bin gro strong moa na dip moa. Bihain tru em i bin mekim desisen long sevim ful-taim misin long Bikpela.

Bihain long taim em i kambek long misin bilong em, em i bin painim na maritim wantpela riten misinari—dispela tasol husat i bin baptaisim em dispela taim bipo—na bihain ol i bin sil long temple long ples Johannesburg South Africa Temple.

Planti yia igo pinis nau long taim Doe Kaku i bin nambawan taim save long dispela hamamas tru bilong gospel bilong Jisas Krais. Long dispela taim, laip bilong em i no bin save swit olgeta taim. Em i bin karim hap pen bilong em lewa i bruk na lusim hop, wantaim tu taim em i lusim tupela pikinini—dispela bikpela sori bilong ol dispela samting i wok yet long hevi long lewa bilong em.

Tasol em wantaim man bilong em, Anthony, tupela wok long traim hat yet long stap klostu long tupela yet na long Papa bilong tupela long Heven, husat tupela lavim tru wantaim olgeta lewa na bel bilong tupela.

Tede, tripela ten yia bihain long taim em i go insait long wara bilong baptisim, Sista Kaku i no long taim i go pinis i pinisim narapela ful-taim misin—dispela taim long sait bilong man bilong em, husat i bin misin presiden long kauntri Nigeria.

Ol dispela lain husat i save long Sista Kaku save tok olsem em i gat wanpela spesol samting. Em i save lait. Em i hat long stap wantaim em na no pilim hamamas yu yet.

Testimoni bilong em i tru: “Mi save olsem Sevia i lukim mi olsem pikinini meri bilong Em na pren bilong Em (lukimMosiah 5:7; Ether 3:14),” em i save tok. “Na mi wok long lainim ol samting na traim hat tru long kamap olsem pren bilong Em tu—i no long wanem samting mi save tokaut long en tasol tu long wanem samting mi save wokim.”