Hamamas Tru olsem wanpela Disaipol bilong Jisas Krais

Igat taim we yu bin gat wanpela dei nogut? Yu bin mekim wanem samting long mekim yu hamamas? President Uchtdorf i save olsem “yumi wanwan gat taim we lewa bilong yumi i save pen, ol taim yumi save pilim bel nogut, ol taim yumi save pilim sori. Yumi ken pilim daun long tingting bilong yumi na sampela taim yumi ken pilim olsem dispela em i winim yumi.”

Ansa bilong em, em long stap insait long wanem em i kolim “laip bilong disaipol”: “stap wantaim feit na muv go het yet insait long feit.” Taim yumi muv go het insait long feit, yumi bai inap long trastim God, holim pas ol komanmen bilong Em, na sevim ol narapela—na pilim hamamas tru namel long olgeta dispela! Olsem Presiden Uchtdorf i tok, “Ol dispela lain husat i stap insait long laip bilong disaipol … em ol dispela husat ol liklik pasin bilong ol planti taim i save mekim bikpela senis.”

Tingim long mekim wanpela lis bilong ol sampela wei we yu ken stap insait long laip bilong disaipol. Long olsem, yu ken raitim go daun wanpela aidia bilong sevis wok olsem “Halivim papamama long redim kaikai long avinun” o wanpela aidia long holim pas ol komanmen olsem “Wok long prei long wet isi isi moa wantaim ol bratasusa bilong mi.” Long neks taim yu pilim kros bikos yu ino inap wokim samting gut o yu pilim olsem dispela i winim yu, kisim aut lis bilong yu, makim wanpela aidia, na traim aut dispela aidia!