Pe bilongStap Strong

Taim mi bin yangpela man, mi bin sev insait long Sios olsem wanpela kaunsela long wanpela distrik presiden husat ibin gat gutpela save. Em ibin olgeta taim traim istap long tisim mi. Mi tingim gen dispela tok skul em ibin givim mi wanpela taim: “Taim yu bungim wanpela man o meri, wokim gut long ol olsem sapos ol iwok long stap insait long bikpela trabel, na yu bai rait olgeta taim.” Mi bin tingting long dispela taim olsem em no bin bilip long dispela. Nau, moa long 50 yia bihain, mi ken lukim hau em ibin save gut tru long laip na dispela wol.

Yumi olgeta gat—traim taim sampela taim long laip bilong yumi, sampela bikpela traim taim tru. Yumi save olsem Bikpela i oraitim yumi long go insait long ol traim taim olsem bai yumi kamap gutpela na stret olsem bai yumi inap long stap wantaim Em oltaim oltaim.

Bikpela ibin tisim Profet Joseph Smith long Libeti Kalabus olsem dispela pe bilong stap strong insait long ol traim taim bilong em bai halivim long givim em namba long laip oltaim oltaim.

“Pikinini man bilong mi, pis igo long sol bilong yu; traim bilong yu na ol sik bilong yu ol bai bilong liklik taim tasol;

“Na bihain, sapos yu stap strong insait long en gut, God bai apim yu antap tru; bai yu winim olgeta birua bilong yu” (D&C 121:7–8).

Plant samting bai givim hevi long yumi long dispela laip long dispela graun bai em iluk olsem ihat tru long stap strong. Em ken luk olsem long wanpela femili husat wok long putim tras long gaden bilong ol taim i nogat ren. Oli bai tingting stap olsem, “Bai yumi wet igo inap we?” Em iken luk olsem long wanpela yut husat bungim salens bilong pait long stopim planti pipia na temtesen. Em iken luk olsem long wanpela yangpela man husat iwok long painim hat long kisim skul o kisim trening em i nidim long kisim wok long sapotim meri na femili. Em iken luk olsem long wanpela manmeri husat ino inap long painim wok o husat i lusim wok tupela o tripela taim taim ol bisnis wok long pas. Em iken luk olsem long ol dispela lain husat i bungim salens wantaim helt bilong ol na strong bilong bodi bilong ol, we iken kam long taim ol i yangpela o taim ol i lapun pinis long ol yet o long ol lain ol i lavim.

Tasol dispela God husat i lavim yumi ino putim ol dispela kain tes long yumi long lukim tasol sapos yumi ken stap strong long ol hatpela taim tasol olsem long lukim sapos yumi ken stap strong na olsem bai yumi kamap gutpela.

Nambawan Presidensi i tisim Elda Parley P. Pratt (1807–57) taim ol ibin singautim em olsem nupela memba bilong Kwarom bilong ol Twelpela Aposol: “Yu bin joinim nau long wanpela samting we i nidim olgeta tingting bilong yu; … kamap nau olsem wanpela gutpela stik. … Yu mas stap strong long planti wok, planti hatwok, na planti hat taim long kamap gutpela tru. … Papa bilong yu long Heven i nidim dispela, dispela ples em bilong Em; dispela wok em bilong Em; na Em bai … hamamasim yu … na apim yu go antap.”¹

Long buk bilong Hibru, Paul toktok long prut em i stap strong: “Taim Papa i givim hevi long yumi bilong stretim yumi, yumi no save hamamas, nogat bel bilong yumi i pilim hevi tasol: tasol taim em i stretim yumi pinis, yumi bai kisim gutpela pasin tru, yumi bai mekim ol stretpela pasin, na bel bilong yumi bai i stap isi (Hebrew 12:11).

Ol traim taim bilong yumi na ol hatpela taim bilong yumi bai givim yumi opotuniti long lainim samting na gro, na ol iken senisim tru pasin bilong yumi. Sapos yumi ken tanim i go long Sevia long taim bilong bikpela hevi, sol bilong yumi bai kamap gutpela taim yumi stap strong.

Olsem na, nambawan samting long tingim gen em long prei olgeta taim (lukim D&C 10:5; Alma 34:19–29).

Nambatu samting em long traim hat olgeta taim long holim pas ol komanmen—maski long narapela sait long dispela i kamap, maski long temtesen, o maski long nois raun long yumi (lukimMosiah 4:30).

Namba tri impoten samting long wokim em long sevim Bikpela (lukimD&C 4:2; 20:31).

Long stap insait long sevis bilong Masta, yumi bai kamap long save long Em na long lavim Em. Yumi bai mekim dispela kamap, sapos yumi stap strong long preiya na wokim sevis wantaim feit, stat long luk save long han bilong Sevia na kisim tingting long Holi Gos insait long laip bilong yumi. Planti bilong yumi long sampela taim givim pinis dispela kain sevis na pilim dispela poroman ikam long Em. Sapos yu tingting bek long dispela taim, yu bai tingim gen olsem ibin gat senis insait long yu. Temtesen long wokim nogut ibin luk olsem igo daun. Laik bilong yu long wokim gutpela pasin ibin go antap. Ol dispela lain husat ibin save gut long yu na lavim yu bin ken tok olsem: “Yu wok long kamap gutpela moa na gat moa pasin bilong wet isi isi. Yu no wok long luk olsem yu dispela sem man o meri.”

Yu no bin dispela sem man o meri. Yu bin senis long Atonmen bilong Jisas Krais bikos yu bin gat tras long Em long traim taim bilong yu.

Mi promisim yu olsem Bikpela bai halivim yu long traim taim bilong yu sapos yu painim na sevim Em na olsem bai sol bilong yu i kamap gutpela long dispela rot. Mi salensim yu long putim tras bilong yu long Em long olgeta traim bilong yu.

Mi save olsem God Papa i stap laip na Em i save harim ol preiya na bekim olgeta preiya bilong yumi. Mi save olsem Pikinini Man bilong Em, Jisas Krais, i baim pinis dispela prais long olgeta sin bilong yumi na olsem Em i laikim yumi long kam long Em. Mi save olsem Papa na Pikinini Man bilong Em i was long yumi na i stretim wei bilong yumi long stap strong na kam gen long hom bilong yumi.