Yut
Taim Poroman Bilong Mi Ibin Dai
Man husait i ratim dispela i stap long Utah, USA.
Long taim mi skul long junia hai skul, poroman bilong mi ibin gat bikpela sik long het bilong em na em ibin dai long neks dei. Maski mi bin memba bilong Sios, mi bin painim hat yet. Mi bin kisim tising ikam inap nau long laip bilong mi olsem mi ken tanim igo long Papa long Heven na long Sevia long olgeta kain samting tasol mi no bin stap long dispela kain samting bipo.
Mi krai long planti aua, traim long painim samting—wanpela samting—long givim mi pis. Dispela nait bihain long em ibin go pinis, mi tanim igo long himbuk. Taim mi wok long tanim tanim ol pes igo, mi kamap long “Abide with Me; ‘Tis Eventide” (Hymns, no. 165). Namba tri ves ibin kalap i kamaut long mi:
Stap wantaim mi; ‘em pinis bilong dei.
Na nau tasol bai nait ikam
Sapos mi no inap toktok wantaim yu,
Na tu sapos mi no inap long painim lait bilong mi long yu.
Mi poretim tudak bilong dispela wol,
Inap yu stap long hom bilong mi.
O Sevia, stap wantaim mi long dispela nait;
Lukim, ‘em pinis bilong dei.
Dispela ves i pulapim mi wantaim planti pis tru. Mi save bihain olsem Sevia ino inap tasol long stap wantaim mi long dispela nait tasol Em i save stret long hau mi bin wok long pilim insait long mi. Mi save olsem dispela lav mi pilim insait long dispela him ino halivim mi tasol long dispela nait tasol ibin karim mi insait long ol narapela traim mi bin kisim.