Visiting Tising Toktok, April 2017
Tok Promis na Kavanen bilong dispela Prishud
Wantaim preiya stadim dispela ol samting na lukluk long painim samting long litimapim tingting long save wanem samting bai yu sherim. Olsem wanem bai save long as samting bilong Rilif Sosaiti bai redim ol pikinini meri bilong God long ol blesing bilong laip oltaim oltaim?
Feit, Femili, Rilif
Taim yumi ol sista save moa olsem long dispela tok promis na kavanen bilong dispela prishud i samting bilong yumi wanwan, yumi bai holim pas moa ol blesing na promis bilong dispela prishud.
Elda M. Russell Ballard bilong ol Kwarom bilong ol Twelpela Aposol i tok, “Olgeta husat i mekim pinis sekret kavanen wantaim Bikpela na husat i onaim ol dispela kavanen i nap pinis long kisim revelesen bilong ol yet, long bai kisim blesing long lukaut bilong ol angelo, long toktok wantaim God, long kisim dispela gospel i pulap tumas, na bihain tru, long kamap olsem ol lain bilong kingdom bilong God Papa wantaim Jisas Krais long olgeta samting Papa bilong yumi i gat.”1
Ol blesing na promis bilong dispela tok promis na kavanen bilong dispela prishud i bilong ol man na ol meri wantaim. Sista Sheri L. Dew, bipo kaunsela insait long Rilif Sosaiti Jenerol Presidensi, i tok, “Dispela fulnes o pulap tru bilong Prishud i stap insait long bikpela odinens bilong haus bilong Bikpela, na man na meri husat i stap wantaim insait long marit long temple tasol i nap kisim.”2
Sista Linda K. Burton, Rilif Sosaiti Jenerol Presiden, i singautim yumi na tok, “Mi askim yupela long lainim gut dispela tok promis na kavanen bilong prishud, na yupela ken painim insait long Doktrin na Kavanen 84:33–44. Na taim yupela wokim olsem, mi promisim yupela olsem Holi Gos bai mekim save bilong yupela long prishud kamap bikpela, na bai litimapim tingting na litimapim yupela long ol gutpela wei.”3
Toktok bilong Josep Smit long ol Rilif Sosaiti ibin long mekim wanpela samting long redim ol meri long “kam na kisim ol spesol samting na ol blesing na ol spesol pawa bilong prishud.” Dispela ol i ken kisim taim ol i kisim ol odinens bilong temple.
“Ol odinens bilong temple [ol i] odinens bilong prishud, tasol ol i no [nap] givim sios wok long man na meri. [Ol dispela odinens mekim kamap] promis bilong Bikpela bai ol pipol—bilong em meri na man—bai ‘kisim blesing wantaim pawa i kam long antap’ [D&C 28:32].”4
Sampela moa Skripsa na Infomesen
Doktrin na Kavanen 84:19–40; 121:45–46; reliefsociety.lds.org
© 2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/16. Tok orait long tanim tokples: 6/16. Tanim tok bilong Visiting Teaching Message, April 2017. Tok Pisin. 97924 878