Sevim Ol Narapela insait long Feit

Presiden Uchtdorf tokim yumi olsem feit bilong yumi long God ibai mas “kam wantaim wok.” Taim feit bilong yumi, yumi “pasim wantaim wok we em i no save senis na em i kamap wankain olgeta taim,” em i tok klia olsem, em “i bai pulumapim… .dispela sol wantaim pis na lav.” Wantaim promis bilong dispela blesing, yumi ken mekim wanpela senis, na yumi ken lukim dispela insait long laip bilong yumi sapos yumi kisim taim long wokim sevis we i pulap long feit. Yu nap prei olgeta monin long askim Bikpela long halivim yu long sevim ol narapela. Na olsem, askim Em long soim yu taim wanpela brata o susa insait long femili bilong yu i nidim halivim wantaim wanpela hap wok bilong em insait long haus o taim wanpela poroman bilong yu i nidim wanpela tok hamamas. Bihain nau, taim yu kisim wanpela tok long strongim bel we yu nidim, noken wet, wokim samting nau! Sapos yu mekim ol dispela preya na dispela sevis olsem wanpela pasin bilong yu, bihain nau bai wantaim feit, wok we em i no save senis na em i kamap wankain olgeta taim, bai blesim laip bilong yu na laip bilong ol narapela lain. Presiden Uchtdorf i promis olsem yu “ken senisim ol wanwan manmeri, ol femili, ol neisen, na dispela wol.”