Nambawan Presidensi Toktok, Mas 2017
Banisim yu yet wantaim Gutpela Pasin
I kam long Presiden Henry B. Eyring
Nambawan Kaunsela insait long Nambawan Presidensi
Profet bilong God long dispela graun, Presiden Thomas S Monson, i bin tokaut, “Tede, yumi anka agensim dispela bikpela grup bilong sin, rabis pasin na samting nogut we yumi i no lukim bipo i bung i stap long ai bilong yumi.”1
Bai yu kirap nogut long harim olsem Presiden Monson i bin tokaut ol dispela toktok long 50 yia i go pinis? Sapos yumi bin anka agensim dispela bikpela grup bilong rabis pasin long dispela taim, hamas moa yu ting dispela samting nogut i pretim yumi tede? Long gutpela as tingting, Bikpela i tokaut long dispela taim bilong yumi olsem, “Lukim, dispela birua bilong yumi em i stap long planti grup” (D&C 38:12).
Dispela bikpela pait we “yumi olgeta i stap insait long en”2 i bin stat bipo long taim yumi bin bon long dispela graun. Em i bin stat tu bipo long dispela graun i bin kamap. Em i bin kamap long planti taim bipo insait long kingdom bilong taim bipo, taim Satan i bin pait agensim na “wok long painim wei long bagarapim olgeta dispela laik bilong wanwan bilong man” (Moses 4:3).
Satan i bin lusim dispela pait na “God i bin rausim em kamaut i kam long dispela graun” (Revelesen 12:9), we em i skruim i go pait bilong em tede. Hia long graun “em i mekim pait wantaim ol sen bilong God, na banisim ol raun i stap” (D&C 76:29) wantaim ol giaman, pasin bilong giaman, na ol temtesen.
Em i save pait agensim ol profet na ol aposol. Em i save pait agensim ol lo bilong klinpela pasin na pasin bilong stap holi insait long marit. Em i save agensim ol femili na temple. Em i save agensim wanem samting i gutpela, holi, na sekret.
Hau bai yumi pait agensim ol dispela kain birua? Hau bai yumi pait agensim dispela man nogut husat i save luk olsem i wok long daunim wol bilong yumi? Wanem em bai brosplet bilong yumi? Husat bai poroman bilong yumi?
Pawa bilong Pikinini Sipsip
Profet Joseph Smith i bin tis olsem Satan i gat pawa antap long yumi tasol i go i nap long mak olsem yumi i givim atoriti long em.3
Na em i kamap olsem mi, Nifai, “lukim pawa bilong Pikinini Sipsip bilong God, we em i kam daun antap long ol sen bilong sios bilong Pikinini Sipsip, na antap long ol kavanen pipol bilong Bikpela, husat i stap long olgeta hap antap long pes bilong dispela graun; na “ol i bin banisim ol yet wantaim gutpela pasin na wantaim pawa bilong God insait long bikpela glori.” (1 Nephi 14:14; tok strong i stap insait).
Hau bai yumi banisim yumi yet insait long gutpela pasin na pawa? Yumi holim pas Sabat dei stap holi na onaim prishud. Yumi mekim na holim pas ol sekret kavanen, wok long ol femili histori bilong yumi, na go mekim wok long temple. Yumi traim hat long olgeta taim tanim bel na krai wantaim Bikpela long “yusim dispela blut bilong Krais we i baim bek yumi olsem yumi ken kisim dispela pasin bilong pogivim rong long ol sin bilong yumi” (Mosiah 4:2). Yumi prei na sevim na testifai na wokim feit insait long Jisas Krais.
Yumi banisim yumi yet tu wantaim gutpela pasin na pawa taim yumi wok long “putim gut stap long tingting bilong [yumi] olgeta taim long toktok bilong laip” (D&C 84:85). Yumi putim gut stap dispela ol toktok taim yumi putim yumi yet i go insait long ol holi skripsa na insait long ol toktok bilong ol wokman bilong Bikpela Em yet i makim ol, husat bai sherim strongpela tingting bilong Em, lukluk bilong Em, na nek bilong Em (lukim D&C 68:4) insait long jenerol konferens long mun i kam.
Long pait bilong yumi agensim man nogut, yumi mas olgeta taim holim long tingting olsem yumi gat halivim long tupela sait bilong veil. God Papa bilong Oltaim Oltaim, Bikpela Jisas Krais, na Holi Gos, i stap insait tu long ol poroman bilong yumi.
Yumi i no nap lukim ol tasol ol ami bilong heven ol tu poroman bilong yumi. “Noken poret,” Elisha bin tokim wanpela yangpela man husat i poret taim ol i bungim wanpela ami bilong man nogut, “long wanem ol lain husat i stap wantaim yumi ol moa long ol lain i stap wantaim” ol (lukim 2 Kings 6:15–16).
Yumi mas noken poret. God i lavim ol Sen bilong Em. Em bai i no nap lusim yumi.
Mi save olsem God, long bekim long preiya bilong mi, i givim mi ol askim long kisim mi kamaut long man nogut. Mi testifai olsem wantaim halivim bilong God Papa, Sevia bilong dispela wol, na Holi Gos, yumi ken save tru olsem yumi bai kisim inap pawa moa long sanap agensim wanem kainkain pawa bilong man nogut yumi bai bungim.
Gutpela olsem yumi bai olgeta taim banisim yumi yet wantaim gutpela pasin olsem bai yumi ken pilim olsem yumi save stret long dispela insait long dispela laspela tru win.
2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/16. Tok orait long tanim tokples: 6/16. Tanim tok bilong First Presidency Message, March 2017. Tok Pisin. 97923 878