Yut
Mi Bin Pasim Tingting Pinis
Meri husait i ratim dispela i stap long Utah, USA.
Wanpela taim mi bin kisim wanpela skul we i gat bikpela gutpela bilong en, insait long wanpela klas bilong ol Yangpela Meri long klinpela pasin long laik bilong bodi—wanpela as bilong tok we i mekim planti long ol yut i tanim tanim long sia bilong ol. Mi no holim long tingting olgeta samting mi lainim long dispela dei, tasol mi holim long tingting lida bilong mi wok long toktok long wanpela stended—bilong em yet long olgeta taim stap klin long laik bilong bodi. Ol toktok bilong em i stap wantaim mi, na mi bihain bin mekim wanpela desisen wantaim klia tingting long kisim na bihainim dispela olsem wanpela velu bilong mi yet.
Wanpela dei taim mi wok long ron long bas i go long hom bilong mi bihain long wanpela pilai bung, wanpela man long dispela bas i statim wanpela pilai ol i kolimbilong em i trupela o salensim. Mi na sampela narapela ol pikinini pilim skin dai, tasol bihain mipela joinim pilai. Taim em i kam long taim bilong mi, ol i bin salensim mi long wokim wanpela samting we mi bin save olsem em i no stret. Dispela em i bin ken hatpela desisen long mi long mekim, tasol toktok bilong lida bilong mi long Yangpela Meri i kam long tingting bilong mi, na sois i bin isi. Mi kwiktaim tru tok nogat long pilai. Mi bin mekim pinis tingting bilong mi long wanem samting mi bai wokim long dispela kain taim.
Mi save olsem taim yumi go long lotu na mekim rum long ol samting we yumi lainim insait long hap, yumi bai kisim blesing wantaim bikpela moa dispela strong bilong spirit na was long ol temtesen bilong dispela wol.