Wok Long Prei long Bel Isi

Papa na mama bilong mi i save go long ol miting bihain long lotu, na mi save was long ol tripela yangpela brata bilong mi na halivim ol long mekim kaikai long belo—tasol planti taim ol i save bel hat kwik na hangre. Planti taim sapos ol i stat long pait, mi ken stretim dispela liklik asua kwiktaim. Tasol sampela taim em i save hat long mekim bel isi taim pait i stat pinis bikos mi tu bai belhat pinis.

Wanpela avinun, ol brata bilong mi wok long gat moa yet wanpela hatpela taim long pilai gut wantaim. Mi painim olsem taim mi traim long mekim bel isi mi wok long mekim ol samting i go bagarap moa bikos mi yet tu mi bin kros pinis. Olsem na mi mekim tasol kaikai long belo bilong mi yet na mi stop long toktok. Bihain tru, mi tok, “Mi laik long prei nau. Inap yupela plis stap isi long wanpela minit? Taim ol i stap isi, mi askim blesing antap long kaikai. Bipo long mi pasim preiya, mi skruim preiya na tok, “Na plis halivim mipela long kamap ol lain bilong mekim kamap bel isi.”

Long pastaim, i luk olsem ol i no bin harim na wok gen long pait. Mi bin kros tasol mi bin save olsem mi nid long soim lav na stap isi tru bikos mi bin prei pinis nau tasol long bel isi. Bihain long wanpela minit, mi pilim bel isi tru. Mi kaikai tasol na mi no toktok liklik, na bihain tru ol boi bin pinis long pait. Mi save moa dispela bel isi mi pilim em bin bekim bilong wanpela liklik preiya. Mi bin prei long kamap olsem meri bilong mekim kamap bel isi, na Papa bilong mi long Heven i bin halivim mi long stap isi taim mi i bin kirapim bel stret long bikmaus. Mi save olsem Em ken tru tru givim yumi bel isi.