Wok Long Makim long Namel

Long sut pastaim na bihain droim mak i ken luk pani liklik, tasol sampela taim yumi yet save mekim dispela wankain pasin stret insait long ol narapela hap long laip bilong yumi.

Olsem ol memba bilong Sios, yumi gat dispela pasin long putim yumi yet i go insait long ol wok bilong gospel, ol toktok bilong gospel, na tu ol doktrin bilong gospel we i luk naispela, impoten, o i ken mekim yumi hamamas. Yumi bai kisim traim long droim ol mak raunim ol, mekim yumi bilip olsem yumi wok long makim long namel bilong gospel.

Dispela em i isi long wokim.

Long olgeta yia bipo i kam i nap nau yumi save kisim ol gutpela kaunsel tru na ol gutpela toktok i kam long ol profet bilong God. Na tu yumi save kisim direksen na tok klia i kam long ol kainkain buk wantaim ol stori, hanbuk, na ol menuel bilong Sios. Yumi ken isi tru kisim wanpela gospel toktok we yumi save laikim tumas, na yumi ken droim ai bilong dispela mak raunim dispela toktok, na mekim stori olsem yumi painim pinis namel bilong gospel.

Dispela em i no wari bilong dispela taim bilong yumi tasol. Long taim bipo, ol lida bilong lotu i bin yusim planti taim stret long putim long ol grup, putim long lain, na toktok i go i kam long wanem bilong ol dispela handred komanmen i impoten antap long ol narapela.

Wanpela dei wanpela grup bilong ol skulman bilong lotu traim long pulim Sevia i go insait long wanpela kros pait. Ol i askim Em long kam insait long wanpela toktok long we sampela i ken wanbel.

“Masta,” ol i askim Em, “Wanem dispela em i bikpela komanmen insait long lo?”

Yumi olgeta save hau Jisas i bin bekim dispela askim: “Yu bai lavim Bikpela God bilong yu wantaim olgeta lewa na bel bilong yu, na wantaim sol bilong yu, na wantaim olgeta tingting bilong yu.

“Dispela em i nambawan na bikpela komanmen.

“Na nambatu i wankain tu long en, Yu bai lavim neiba bilong yu olsem yu yet.

“Olgeta lo na olgeta profet i hangamap long ol dispela tupela komanmen.”¹

Plis lukluk gut long dispela laspela hap toktok: “Olgeta lo na olgeta profet i hangamap long dispela tupela komanmen.”

Sevia i no soim yumi long mak tasol, tasol Em i mekim yu long luk save tu long ai bilong dispela mak.

Olsem ol memba bilong Sios, yumi mekim kavanen long kisim antap long yumi yet nem bilong Jisas Krais. I stap insait long dispela kavanen em dispela save bilong yumi olsem yumi bai wok hat long lainim ol samting long God, lavim Em, mekim feit bilong yumi long Em i go antap moa, honaim Em, wokabaut long wei bilong Em, na sanap strong moa yet olsem ol witnes bilong Em.

Taim yumi lainim moa long God na pilim lav bilong Em long yumi, bai yumi save moa long dispela sakripais bilong Jisas Krais we i nogat pinis bilong en, i santu presen bilong God. Na lav bilong God i litimapim yumi long yusim dispela rot bilong trupela tanim bel, we bai lidim yumi i go long mirakel bilong pasin bilong pogivim rong. Dispela wei bai halivim yumi long gat bikpela lav moa na sori pasin long ol lain husat i stap raun long yumi. Bai yumi lainim long lukluk i go ausait long ol mak. Yumi bai pait long stopim dispela temtesen long sutim tok o jasim ol narapela long sin bilong ol, wiknes bilong ol, asua bilong ol, wanem ol lain long politik ol i sapotim, wanem lotu bilong ol, wanem kauntri bilong ol, o wanem kala bilong skin bilong ol.

Bai yumi lukim olgeta lain yumi bungim olsem wanpela pikinini bilong Papa bilong yumi long Heven—brata o susa bilong yumi.

Yumi bai traim hat long halivim ol narapela long save bilong yu na soim lav— long ol dispela tu husat sampela taim i no isi long laikim ol. Yumi bai krai sori wantaim ol dispela lain husat i krai sori na kamfotim ol dispela lain husat i nid long pilim gut.²

Na bai yumi save moa olsem i nogat nid long yumi long pilim pen long wanem dispela em stretpela mak bilong gospel.

Dispela tupela bikpela komanmen em ol mak bilong gospel. Olgeta lo na olgeta profet i hangamap long ol dispela tupela komanmen.³ Taim yumi wok long wanbel long dispela, olgeta narapela gutpela samting bai pundaun long ples bilong ol.

Sapos nambawan lukluk, ol tingting, na ol traim bilong yumi i stap stret long putim i go antap lav bilong yumi long Bikpela God Antap Tru na long skruim lewa bilong yumi i go long ol narapela, yumi ken save olsem yumi painim pinis dispela raitpela mak na yumi wok long makim stret i go long ai bilong dispela mak—na wok long kamap olsem ol trupela disaipol bilong Jisas Krais.