Isracsr Se Kuh In Oraclah Ma Sielacna

Prestuhn Uchtdorf el ahkkahlwemye finsrak luo ma enenuh in oasr nuh ke mukwikwi lasr uh: luhngse God ac luhngse mwet wiyacsr. Tuhsruhk kuhtuh pacl uh tiacna fihsrwacsr in luhngse mwet sahyac uh. Ke moul lom nohfohn, ac kuh in oasr pacl ke kom koflah in wi mwet sahyac uh—sahp mwet se ahkngalye kom kuh upac kom in akacsruhi kuh wi sie mwet. Ke pacl se inge, srihke in esam luhngse kom puhla yurin kawuck, sucu lom, Pahpah Lucng, ac Jisus Kraist. Esam engan kom puhla ke ohiyac ingacn ac srihke in nuhnkuh fin mwet nuh kwewa oasr pacl wowo la in puhla kain luhngse sacn. Esam lah mwet nuh kwewa pa sie tuhlihk muhtwacn kuh mukul nuhtin God ac enenuh in eis kwewa luhngse Lal ac luhngse lom.

Nuhnkuh ke sie mwet ke moul lom ma upac nuh sum in wi. Isaclosyang nuh ke pruhe lom an ac siyuck Pahpah Lucng elan ikacslah insiyom nuh selos. Kom ac pacl na sa muhtwacwacack in liye ohiyac El oruh: ke sie tuhlihk Nahtuhl suc enenuh luhngse.

Tukun kom pruhe an, oruh sie ma wo an nuh selos! Sahp solwaclos nuh ke sie mukwikwi luhn Mutual kuh sie tuhkweni yurin kawuck. Ngihsre in kahsruh ke sie homework assignment. Finne in fahk “hello” ac isracsr nuh seltahl. Ma srihsrihk uh kuh in oraclah sie ma sielacna yohk … ke kwewana moul lom uh!