2016
Femili Em God Yet i Makim
October 2016

Visitin Tising Toktok, Oktoba 2016

Femili Em God Yet i Makim

Wantaim preiya stadim dispela ol samting na lukluk long save wanem samting bai yu sherim. Hau bai save bilong yu long “Femili: Tokaut I Go Long Dispela Graun” strongim feit bilong yu long God na blesim ol lain yu was long ol insait long visitin tising? Long moa infomesen, go long reliefsociety.lds.org.

Feit, Famili, Rilif

“Long toktok bilong [Primary singsing], ‘The Family Is of God,’ … yumi kisim gen toktok long doktrin we i klin moa yet,” Carole M. Stephens, Nambawan Kaunsela insait long Rilif Sosaiti Jenerol Presidensi is tok. “Yumi lainim i no long olsem femili em i bilong God tasol, tasol yumi lainim tu olsem yumi wanwan yumi hap bilong femili bilong God. …

“… Plen bilong Papa long ol pikinini bilong Em em plen bilong lav. Em i wanpela plen long bungim ol pikinini bilong Em—femili bilong Em—wantaim Em.”1

Elda L. Tom Perry (1922–2015) bilong Kwarom bilong ol Twelpela Aposol i tok: “Yumi bilip tu olsem ol dispela strongpela femili bilong tumbuna taim i no as tru bilong strongpela sosaiti tasol, tasol ol as tu bilong strongpela ikonomi, na strongpela gutpela bilong ol kulcha —olsem na ol i as tru bilong taim oltaim oltaim na bilong kingdom na gavman bilong God.

“Yumi bilip olsem dispela organaisesen na gavman bilong heven bai ol i wokim raunim ol femili na ol biklain femili.”2

“Olgeta manmeri, no meta wanem kain marit sindaun ol i stap long en o hamaspela pikinini ol i gat, i ken kamap olsem wasman bilong plen bilong Bikpela we ol i tok klia long en insait long femili tokaut,” Bonnie L. Oscarson, Jenerol Presiden bilong ol Yangpela Meri i tok. “Sapos em i plen bilong Bikpela, em i mas kamap olsem plen bilong yumi!”3

Sampela narapela skripsa

Doctrine and Covenants 2:1–3; 132:19

Doktrin bilong Femili

Sista Julie B. Beck, pastaim Rilif Sosaiti Jenerol Presiden, i bin tisim yumi olsem dispela save bilong lotu long femili i sanap antap long ol Samting God i Mekim Kamap, long Pundaun bilong Adam, na long Atonmen bilong Jisas Krais:

“Dispela Samting bilong graun we God i mekim kamap i givim wanpela ples we ol femili i ken stap. God i mekim kamap wanpela man na wanpela meri husat i bin stap olsem tupela nambawan hap bilong femili. Dispela em i hap bilong plen bilong Papa long Heven we Adam na Eve bin sil na kamapim femili bilong oltaim oltaim.

“… Pundaun bilong Adam i mekim wei long ol long kisim pikinini man na pikinini meri.

“Atonmen bilong [Krais] i mekim olrait long dispela femili long sil wantaim oltaim oltaim. Em i mekim olrait long ol femili long i nap long gro na kamap stret insait long ples oltaim oltaim. Dispela plen bilong hamamas, ol i kolim tu plen bilong salvesen, i bin wanpela plen ol i bin kamapim bilong femili. …

“… Dispela em i bin doktrin bilong Krais. … Wantaim nogat femili, bai i nogat plen; bai i nogat as bilong dispela laip long dispela graun.”4

© 2016 ikam long Intellectual Reserve, Inc. Olgeta toktok hia i bilong sios tasol. Printim long USA. Tok orait long Inglis: 6/15. Tok orait long tanim tokples: 6/15. Tanim tok bilong Visiting Teaching Message, October 2016. Tok Pisin. 12870 878

Ol nout

  1. Carole M. Stephens, “Femili Em i Kam long God,” Liahona, May 2015, 11, 13.

  2. L. Tom Perry, “Wai Marit na Femili em i Bikpela Samting— insait long Olgeta Hap long dispela Graun,” Liahona, May 2015, 41.

  3. Bonnie L. Oscarson, “Ol Wasman bilong dispela Femili Tokaut,” Liahona, May 2015, 15.

  4. Julie B. Beck, “Tising bilong Doktrin bilong Femili,” Liahona, Mar. 2011, 32, 34.

Tingim Dispela

Wai na femili i wanpela impoten hap insait long taim nau na long taim oltaim oltaim?