Dispela Hop bilong Oltaim Oltaim Femili Lav

Long olgeta dispela presen Papa bilong yumi long Heven husat i lavim yumi tumas i givim long ol pikinini bilong Em, dispela bikpela moa em laip oltaim oltaim (lukim D&C 14:7). Dispela presen em long stap insait long stap bilong God Papa na Pikinini Man bilong Em we em i lavim tumas oltaim oltaim insait long ol femili. Insait tasol long dispela kingdom bilong God antap moa yet, dispela selestel kingdom, bai gutpela banis bilong femili laip bai igo yet.

Yumi olgeta save hop long dispela hamamas bilong stap insait long ol gutpela femili. Long sampela bilong yumi, dispela em i filing yumi ino yet save long en—wanpela filing yumi save olsem ating yumi iken gat tasol yumi ino save yet long en. Yumi bin ken lukim long laip bilong ol narapela. Long ol sampela bilong yumi, femili lav ibin lukluk moa trupela na nambawan taim dai i mekim yumi longwe long wanpela pikinini, wanpela mama, wanpela papa, wanpela brata, wanpela susa, o wanpela bubu we yumi lavim tumas.

Yumi olgeta i pilim dispela hop olsem sampela dei yumi iken pilim gen dispela naispela laik bilong dispela femili memba yumi lavim tumas na nau yumi pilim pen long holimpas gen.

Papa bilong yumi long Heven husat i lavim yumi tumas i save long lewa na bel bilong yumi. As tingting bilong Em em long givim yumi hamamas (Lukim 2 Nephi 2:25) Na olsem Em ibin givim Pikinini Man bilong em long mekim iken kamap dispela hamamas bilong femili banis we iken go yet oltaim oltaim. Bikos Sevia i brukim ol ain rop bilong dai, yumi bambai kirap gen. Bikos Em i karim pen long ol sin bilong yumi, yumi iken, long feit bilong yumi na sori pasin bilong yumi, kamap igat namba long dispela selestel kingdom, we ol femili istap banis wantaim insait long lav oltaim oltaim.

Sevia yet i salim Profet Ilaija long Joseph Smith long bringim ikam bek ol ki bilong Prishud (lukim D&C 110). Wantaim ol dispela ki pawa bilong pasim ol samting ikam tu, we i ofaim bikpela tru ol presen bilong God long ol pikinini bilong Em—laip oltaim oltaim insait long ol femili stap banis wantaim oltaim oltaim.

Dispela em i wanpela ofa we olgeta pikinini bilong God husat ikam insait long graun iken kisim. Wanpela hap, olsem 30-pela long olgeta wan handred, bilong ol spirit pikinini ibin ino laikim ofa bilong Em insait long spirit wol. Dispela i kamap long nogat inap feit na bihain long ples klia ol i pait long bruk lusim, ol i wokim sois long maski long save long dispela hamamas bilong presen bilong ol femili oltaim oltaim ikam long Papa long Heven.

Long ol dispela bilong yumi husat i abrusim dispela impoten tes insait long spirit wol pastaim long dispela graun na olsem yumi i gat namba long kisim dispela presen bilong bodi insait long dispela graun, dispela nambawan sois bilong laip oltaim oltaim em i stap yet wantaim yumi long mekim. Sapos yumi kisim blesing long painim dispela gospel we nau i kambek, yumi ken mekim sois long mekim na holim pas ol kavanen wantaim God husat i bai givim yumi namba bilong laip oltaim oltaim. Na taim yumi wok long karim yet igo isait long feit bilong yumi, Holi Gos ibai mekim strong hop bilong yumi na bilip bilong yumi olsem yumi wok long stap long dispela rot igo long laip oltaim oltaim, long stap insait long ol femili oltaim oltaim insait long selestel kingdom.

Long sampela, dispela hamamas bilong oltaim oltaim ibai luk olsem wanpela hop we ino strong inap o tu hop iwok long lus. Ol papamama, ol pikinini, ol brata, na ol susa ibin ken wokim ol sois we iluk olsem bai stopim ol long laip oltaim oltaim. Yu bai iken tingting sapos yu tu bai kisim namba yet long Atonmen bilong Jisas Krais.

Wanpela profet bilong God ibin wanpela taim ofaim mi kaunsel we ibin givim mi pis. Mi bin wari olsem dispela ol sois bilong ol narapela iken mekim em hat tru long femili bilong mipela long bai stap wantaim oltaim oltaim. Em ibin tok, “Yu wok long wari long rong problem. Yu imas stap igat namba long selestel kingdom, na wei bilong stretim ol femili bai kamap gutpela moa long yu ken tingim.”

Long olgeta ol dispela lain husat long save bilong ol yet o long husat marit bilong ol na pikinini—bilong ol o we ol dispela ino stap—troim wanpela tudak igo antap long hop bilong ol, mi ofaim witnes bilong mi: Papa long Heven i save long yu na i lavim yu olsem spirit pikinini bilong Em. Taim yu bin stap wantaim Em na Pikinini Man bilong Em we em i lavim tumas bipo long dispela laip, Ol ibin putim insait long lewa na bel bilong yu dispela hop yu gat long laip oltaim oltam. Wantaim dispela pawa bilong Atonmen bilong Jisas Krais i wok na wantaim Holi Spirit i wok long soim rot long yu, yu ken pilim nau na bai yu pilim long dispela wol bihain dispela femili lav Papa bilong yu na Pikinini Man bilong Em we em i lavim tumas laikim tru bilong yu long kisim.

Mi tokaut olsem taim yu stap igat namba long dispela selestel kingdom, dispela promis bilong ol profet olsem “wei bilong stretim femili bai kamap gutpela moa long yu can tingim” bai bilong yu.