Long Sherim Hamamas Oltaim Oltaim

Wanpela long ol dispela nambawan samting long dispela gospel em dispela save bilong dispela plen bilong salvesen. Yumi gat dispela naispela opotuniti long stap wantaim femili bilong yumi long taim oltaim oltaim. Dispela save i halivim yumi long gat hop long taim yumi pilim olsem dispela graun i wok long daunim yumi. Presiden Eyring i tis olsem, “Papa bilong yumi long Heven husat i lavim yumi i save long lewa na bel bilong yumi. As tingting bilong em long yumi em long givim yumi hamamas (lukim 2 Nephi 2:25). Olsem na Em i givim yumi dispela presen long Pikinini Man bilong Em long mekim iken kamap dispela hamamas bilong banis bilong femili we em iken igo yet oltaim oltaim. … Em i wanpela ofa we olgeta pikinini bilong God husat ikam insait long dispela graun iken kisim.”

Dispela blesing ikam long yumi ol dispela husat istap laip nau na long yumi ol dispela husat i dai pinis—tasol long halivim tasol bilong yumi. Ol tumbuna bilong yumi istap long spirit wol nau, ol i wok long wetim yumi long stretim and putim nem bilong ol long ol temple odinens bai ol lain long temple iwokim bilong ol. Tasol sampela taim em iken kamap hat long wokim dispela wok bilong ol. Yumi iken bisi tumas, o yumi iken stap olsem long wei tumas long wanpela temple na bai yumi ino inap isi long go planti taim.

Laki olsem, igat sampela narapela wei yumi iken halivim ol tumbuna bilong yumi, olsem long wokim femili histori wok, wokim ol rekot, o long lukautim ol pikinini olsem ol papamama bilong yumi iken go long temple. Long halivim olsem, yumi sevim Bikpela na bringim dispela hop bilong ol femili oltaim oltaim long ol dispela lain husat istap long narapela sait long vel.