Visiting Teaching Amandzɛɛbɔ, Ayɛwoho 2016
Hɛn Baatanyɛ a Ndaamba Yebotum Ayɛ
Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse “Ebusua No: Dawurbɔ a wɔdze ma Wiadze” ase no besi dɛn bɛma wo Gyedzi wɔ Nyankopɔn mu enyin na woehyira hɔn a idua visiting teaching do ehwɛ hɔn do no? Ho nsɛm mbordo no, kɔ reliefsociety.lds.org.
Gyedzi, Ebusua, Mboa
Elder Dallin H. Oaks a ɔkã Asomafo Duebien no hɔn Quorum ho kyerɛkyerɛɛ dɛ “Nna ohia tsitsir dɛ Nyankopɔn no Sunsum mu mba nya awoo na kwan a wobotu mpon akɔ onnyiewiei nkwa.” “Ehwɛ enyigye nhyehyɛɛ ne tsirmpɔw no ankasa kan mu a, megye dzi dɛ egyapadze mapã a ɔwɔ asaase do na ɔsor nye hɛn mba na hɛn asefo.”1
Elder Neil L. Andersen a ɔkã Asomafo Duebien no hɔn Quorum ho no kãa dɛ:
Yefua ebusua ebusua, na yefua mba. …
“‘… Nyankopɔn see [Adam na Eve] dɛ, Hom nwo, na wɔndɔr, na wɔnhyɛ asaase mã [Genesis 1:28]. …
“Iyi yɛ mbrasɛm a Jesus Christ n’Asɔr a ɔwɔ hɔ ma Nda a Odzi Ekyir Ahotseweefo no hɔn werɛ mmfirii anaa wɔmmfa nnto nkyɛn.”2
Nnyɛ hɛn nyina na yɛbɛyɛ awofo wɔ abrabɔ yi mu dze, naaso mfe biara a mbofra edzi no yebotum atsetse hɔn. Yedzi nhyira no mu dɛw dɛ yɛkã Ɔsor Egya n’ebusua ho na yenya dɛwdzi na taferbanyinmbɔmu dɛ yɛkã asaase do ebusua bi ho. Dodowara dze baatanyɛ rotweɔn hɔn wɔ mfesantsen a ɔwɔ kan no mu.
Kyerɛwsɛm a Ɔkã ho
Ndwom 127:3; Matthew 18:3–5; 1 Nephi 7:1; Moses 5:2–3
Atseasefo ho Nsɛm
Elder Andersen kãa dɛ, “Ndze pii wɔ ndɛ wiadze a woehuan awoo no ho hia ho anaa wosusu awoo a wɔtwee kɔ ekyir anaa wɔtsew mba dodow awoo do wɔ ebusua mu.” “Ɔnnkyɛree na me mbasiamba kyerɛɛ me blog bi enã Christianyi bi [ɔnnkã hɛn som ho] bi a ɔwɔ mba beenum kyerɛwee.” Enã no kãa dɛ: “[Irinyin] wɔ tsebea yi do no, ɔyɛ dzen papaapa dɛ ibenya nyamesɛm enyido-adzehu wɔ enãyɛ ho.” … Mbawoo dzi esuapon mu adzesũa ase koraa. Ɔwɔ akwantu ase nokwar ara. Tum dɛ ibotum akɛgye w’enyi anafua wɔ no sor. Ɔwɔ eropɔw wo honandua wɔ gym ase. Ɔwɔ edwuma bi a ewɔ anaa ewɔ ho enyidado no ase. Nkyii ɔdze kã ho dɛ: “Enãyɛ nnyɛ enyikadze, ɔyɛ ɔfrɛ.” Nntase mbofra osiandɛ hɔnho yɛ wo fɛw kyɛn stamp horow. Ɔnnyɛ adze a sɛ ewɔ mber nna ibotum ayɛ. Ɔyɛ dza Nyankopɔn ma wo mber dɛ fa yɛ.’”3
© 2016 Intellectual Reserve, Inc. Wɔakora ho tumdzi nyina. USA na wotsintsimii. Visiting Teaching Message, July 2016 ne nkyerɛasee. Fante 12867 502
Susu Iyi Ho
Ebɛn akwan horow mu na hɛn asaase ebusua tse dɛ hɛn ɔsor ebusua no?