Wɔayɛ Nokwafo ama Hɔn Gyedzi

President Monson kã ebusua odzikamfo bi ho asɛm na afei ɔsera kã President George Albert Smith n’asɛm dɛ: “Ana hom bɛyɛ anokwafo ama hom ewuakɔr hɔn gyedzi a?” … Hom mper dɛ hom bɛfata afɔrbɔ nyina a (wɔa)yɛ ama hom.” Sɛ ewɔ ewuakɔr odzikannyi anaa iyɛ Asɔrba ebusuanyi a odzi kan o, ana ihwɛ gyedzi ho fasusu nya akwankyerɛ na ahoɔdzen? Kwan pa bi wɔ ha a ibotum dze ahyɛ ase.

1. Kyerɛw nkorɔfo a wɔfata wo nkamfo edzin. Wobotum ayɛ ɔwoara w’ebusua mu mba (wɔkɔ anaa wɔwɔ hɔ), anyɛnkofo, Asɔr banodzifo, anaa nkorɔfo a wɔwɔ kyerɛwsɛm no mu.

2. Kyerɛw su pa a wɔwɔ a ipɛ. Ana wo maame wɔ abotar ampara? Ebia wo nyɛnko yɛ ayamuyie ma binom. Ebia ipɛ Ɔsahen Moroni n’akokodur.

3. Yi su for fi dza akyerɛw no mu na bisa woho dɛ, “Mibesi dɛn botum enya su pa yi?” Ebɛnadze na ohia dɛ meyɛ dze tu iyi mpon wɔ m’abrabɔ mu?

4. Kyerɛw wo nhyehyɛɛ a edze benya su pa yi to hɔ na fa to beebi a ibɛtaa ehu, ama ɔaakaa wo wo botae no. Bɔ mpaa gye Ɔsor Egya No mboa na taa ker wo kankɔ. Enya atsenkã dɛ etu mpon wɔ su yi ho no, ibotum afa fofor ayɛ ho edwuma.

Hom nkaa dɛ ber a yenya su pa horow mapã wɔ hɛn mu no, yɛnnhyɛ hɛn ewuakɔr hɔn gyedzi na afɔrbɔ a wɔyɛɛ nko enyimnyam, mbom yebotum so ayɛ nhyɛdo pa ama hɔn a woetwa hɛnho ehyia no.