Sanap Tru long dispela Feit bilong ol Tumbuna bilong Yumi

John Linford ibin 43 krismas taim em na meri bilong em, Maria, na tripela pikinini man bilong ol mekim desisen long lusim ples bilong ol long Gravely, England, long wokabaut planti tausen mail long joinim ol Sen long ples daun bilong dispela bikpela sol raunwara. Ol i lusim bihain namba fo pikinini man bilong ol, husat ibin wok long sevim misin bilong em, ol i salim olgeta samting bilong ol, na kisim ples long Liverpool long wanpela sip ol i kolim Thorton.

Dispela wokabaut long solwara igo long siti bilong New York, na bihain long rot igo long Iowa, ibin go gut tasol. Tasol, trabel ibin stat, liklik taim bihain long taim ol Linfords wantaim ol narapela Leta-dei Sen husat ibin sel wantaim ol long dispela sip Thornton lusim Iowa Siti long Julai 15, 1856, olsem hap bilong grup bilong James G. Willie na ol ibin painim birua.

Dispela taim we i givim planti pen na hatpela wokabaut givim hevi igo long planti lain long dispela grup, na tu long John. Em i bambai kamap sik tumas na ino inap long wokabaut olsem na ol i putim em long hankat na pulim em. Ikam long taim ol i kamap long Wyoming, sik bilong em ibin nogut olgeta. Wanpela grup bilong halivim ol ikam long Salt Lake Siti ikam long October 21, bihain long sampela aua tasol long taim wokabaut bilong John long dispela graun i pinis. Em ibin dai long bik monin long dispela dei klostu long arere bilong riva ol isave kolim Switwara.

Yu ting John ibin sori olsem em ibin givim igo gutpela sindaun na isi sindaun long kisim dispela pait, taim nogut, na hatpela taim long kisim famili bilong em ikam long Saion?

“Nogat, Maria,” em i tokim meri bilong em pastaim tasol long em idai. “Mi amamas olsem yumi bin kam. Mi no inap long stap laip long kamap long Salt Lake, tasol yu na ol mangi bai kamap, na mi ino sori tru long olgeta samting yumi bin wokim sapos ol mangi bilong yumi iken kamap bikpela na lukautim ol famili bilong ol long Saion.”¹

Maria na ol pikinini man bilong em ibin pinisim wokabaut bilong ol. Taim Maria ibin dai klostu olsem 30 yia bihain, em na John ibin lusim bihain wanpela tumbuna pasin bilong feit, bilong sevis, bilong promis, na bilong sakripais.

Long kamap wanpela Lata-dei Sen em long kamap olsem wanpela long ol lain igo pas, long wanem dispela minin bilong ol lain igo pas em “wanpela husat igo pastaim long redim na opim wei bilong ol narapela long bihainim.”² Na long kamap olsem ol lain igo pas em long kamap save long sakripais. Tasol ol memba bilong Sios ino nid nau long lusim ples bilong ol na mekim longpela wokabaut igo long Saion, planti taim ol imas lusim bihain ol olpela pasin, kastom bilong bipo, na ol gutpela poroman bilong ol. Sampela isave mekim dispela desisen we isave bringim bikpela pen long lusim famili memba husat i go agens long membasip bilong ol long Sios. Ol Lata-dei Sen isave muv igo pas, tasol, olgeta taim prei olsem ol lewa lain bilong ol ibai luk save na wanbel.

Dispela rot bilong kamap olsem ol lain igo pas ino isi, tasol yumi bihainim igo long ol lekmak bilong dispela impotent tru ol lain (man) igo pas —em ya Sevia— husat ibin go pas, na soim yumi long rot long bihainim.

“Kam, bihainim mi,”³ Em i singautim yumi.

“Mi em dispela wei, dispela trut, na dispela laip,”⁴ Em itok.

“Kam long mi,”⁵ Em i singaut.

Dispela rot iken gat traim bilong em. Sampela bai painim ihat long stap strong agensim ol tok bilas na ol toktok we nogut tru bilong ol hambak lain husat save lap nogut long klinpela pasin, stretpela pasin, na pasin bilong harim tok long ol komanmen bilong God. Dispela graun oltaim save rabisim pasin bilong luk save long gutpela pasin. Taim God ibin tokim Noah long mekim wanpela sip ol i kolim ak, ol hambak lain ibin lukluk igo antap long skai we inogat kilaut and bihain tok bilas na tok pilai— inap long taim ren i kam.

Long graun America long planti handred yia igo pinis, ol pipol ibin save tubel, kros, sakim tok inap paia ibin kaikaim Zarahemla, ol graun karamapim Moronihah, na ol wara daunim Moroni. Tok pilai, tok bilas, tok nogut, na sin ipinis olgeta. Wanem istap long ples bilong ol dispela samting em nogat nois, tudak is paspas. Wet isi bilong God ipinis, taim tebol bilong Em inapim pinis.

Maria Linford ino bin lusim feit bilong em maski long taim nogut ol ibin kisim long England, ol hat taim long wokabaut bilong em igo long “dispela ples we God … redim,”⁶ na ol traim em ibin kisim bihain em ibin karim bilong famili na dispela Sios.

Long wanpela dedikesen seremoni long memori bilong Maria long matmat long yia 1937, Elda George Albert Smith (1870–1951) ibin askim ol tumbuna pikinini bilong em olsem” “Bai yupela stap tru long dispela feit bilong ol tumbuna bilong yupela? … Yupela mas traim hat long bai yupela kisim pei bilong olgeta sakripais (ol) ibin mekim bilong yupela.”⁷

Olgeta taim yumi lukluk long mekim Saion long ol lewa bilong yumi, insait long ol hom bilong yumi, insait long ol komuniti bilong yumi, na insait long ol kauntri bilong yumi, ating i gutpela yumi tingim dispela strongpela bun na dispela feit we olgeta dispela lain i karim, ol i givim olgeta samting ol igat olsem bai yumi iken amamas long ol dispela blesing bilong dispela gospel we istap bek olsem bipo, wantaim hop bilong en na promis ikam long Atonmen bilong Jisas Krais.