Visiting Tising Mesis, JunE 2016
Ol Temple Odinens na Kavanen
Wantaim preiya stadim dispela ol samting na lukluk long save wanem samting bai yu sherim. Hau bai save bilong yu long “Famili: Tokaut i go long dispela Graun” antapim feit bilong yu long God na blesim ol dispela lain yu save was long ol long visitin tising? Long moa infomesen, go long reliefsociety.lds.org.
Feit, Famili, Rilif
Olgeta dispela odinens i impoten long salvesen na eksoltesen i go wantaim ol kavanen bilong God. “Taim yumi mekim na holim pas ol dispela kavanen dispela i min olsem yumi kisim long laik bilong yumi long pasim yumi yet i go long Papa long Heven na Jisas Krais,” Linda K. Burton, Rilif Sosaiti jenerol presiden i tok.1
Elda Neil L. Anderson bilong Kwarum bilong ol Twelpela Aposol i tok, “Lod i tok, ‘Long ol dispela odinens …… dispela pawa bilong kamap holi i stap klia.’
“I gat ol spesol blesing i kam long God long olgeta gutpela manmeri husat i baptais pinis, kisim Holi Gos, na planti taim i save kisim sakramen.”2
“Taim ol man na meri i go long temple,” Elda M. Russell Ballard bilong Kwarum bilong ol Twelpela Aposol i tok, “ ol tupela wantaim kisim dispela wankain pawa, em prishud pawa …
“… Olgeta man na olgeta meri i gat we bilong kisim dispela pawa long halivim ol long laip bilong ol. Olgeta husat i mekim pinis sekret kavanen wantaim Lod na husat i onaim ol dispela kavanen i nap pinis long kisim revelesen bilong ol yet, long bai kisim blesing long lukaut bilong ol angelo, long toktok wantaim God, long kisim dispela gospel i pulap tumas, na bihain tru, long kamap olsem ol lain bilong kingdom bilong God Papa wantaim Jisas Krais long olgeta samting Papa bilong yumi i gat.3
Sampela narapela skripsa
1 Nephi 14:14; Doctrine and Covenants 25:13; 97:8; 109:22
Ol stori stap laip
Long 2007, fopela dei bihain long bikpela guria long Peru, Elda Marcus B. Nash bilong ol Seventi i bin mit wantaim brens presiden Wenceslao Conde na meri bilong em, Pamela. “Elda Nash i askim Sista Conde long stap bilong ol liklik pikinini bilong em. Wantaim smail long pes bilong em, em i bekim na tok olsem bikos long gutpela bilong God ol i stap seif na olrait. Na bihain em i askim ol long haus bilong ol.
“Em i go pinis,” Meri ya i tok tasol.
“… Na yet, Elda Nash i tok, ‘yu wok long smail taim yumi wok long toktok.’
“Yes,’ em i tok, ‘Mi bin prei na mi stap wantaim pis. Mipela i gat olgeta samting mipela i nidim. Mitupela i gat mitupela yet, mipela i gat ol pikinini bilong mitupela, mipela i sil long temple, mipela i gat naispela Sios, na mipela i gat Lod. Mipela ken kirapim gen ol samting wantaim halivim bilong Lod.’ …
“Wanem dispela samting ya long mekim na holim pas ol kavanen wantaim God dispela em i givim pawa long smail long ol hat taim, long tanim ol trabel taim i go long hamamas taim … ?”
“Dispela as bilong samting em God. Wei bilong kisim dispela pawa i kam long yumi em long ol kavanen bilong yumi wantaim Em.”4
© 2016 ikam long Intellectual Reserve, Inc. Olgeta toktok hia i bilong sios tasol. Printim long USA. Tok orait long Inglis: 6/15. Tok orait long tanim tokples: 6/15. Tanim tok bilong Visiting Teaching Message, June 2016. Tok Pisin. 12866 878
Tingim Dispela
Hau bai ol temple odinens na kavanen strongim yumi na kamapim strong long yumi?