Ol Sois

Ol brata na susa, bipo long mi statim tok tok we mi laik givim yupela tede, mi laik long tokaut long ol foapela niupela temple we, long ol mun na ol yia ikam, bai yumi wokim long ol dispela hap ples: Quito, Ecuador; Harare, Zimbabwe; Belem, Brazil; na nambatu temple long Lima, Peru.

Taim mi bin kamap wanpela memba bilong dispela Kwaram bilong ol Twelpela Aposol long 1963 ibin gat twelpela temple istap op long Sios. Wantaim dedikesen bilong dispela Provo City Center Temple tupela wik igo pinis, nau igat 150 temple olgeta i stap op long olgeta ples graun. Yumi amamas na tok tenkyu long ol dispela blesing yumi kisim insait long ol dispela holi haus.

Nau, ol brata na susa, mi laik long tokaut klia long amamas na tok tenkyu long dispela opotuniti long sherim sampela tingting bilong mi wantaim yupela long dispela monin.

Long dispela liklik taim igo pinis, mi wok long tingting long ol sois yumi isave mekim. Ol isave tok olsem dua bilong histori isave tanim long ol liklik skru, na tu wankain long ol laip bilong ol manmeri. Ol sois yumi save mekim isave mekim klia rot igo long we yumi laik go.

Taim yumi lusim stap bilong yumi long ples bipo long dispela graun, na kam insait long dispela graun yumi bringim ikam wantaim yumi dispela presen yumi gat long igat laik bilong wanwan. Gol bilong yumi em long kisim selestel glori, na ol sois yumi isave mekim ibai, long bikpela hap bilong en, mekim klia sapos bai yumi inap o ino inap long winim gol bilong yumi.

Planti bilong yupela isave gut long Alice insait long stori buk Lewis Carroll ibin raitim long ol wokabaut bilong Alice insait long wanpela naispela driman ples. Bai yupela ken tingim olsem em ibin kamap long wanpela ples we rot i buruk wantaim tupela rot istap long poret bilong em, tupela wantaim igo moa yet tasol wanpela igo long narasait long narapela. Taim em iwok long tingting long wanem rot long tanim long en, wanpela kain pusi ol isave kolim Tsesaia pusi i sanap long poret bilong em, na Alice i askim em olsem, “Wanem rot bai mi bihainim?”

Dispela pusi ibin tok, “Dispela em istap long wanem hap yu laik igo. Sapos yu ino save long hap yu laik go long en, em ino impoten long wanem rot yu kisim.”¹

Ino wankain olsem Alice, yumi save long hap yumi laik go long en, na em i minim samting long yumi long wanem hap bai yumi go, long wanem dispela rot yumi bihainim long dispela laip bai lidim yumi igo long ples yumi laik pinisim wokabaut bilong yumi long en long laip ikam bihain.

Em i olrait olsem yumi kisim long laik bilong yumi long wokim kamap insait long yumi yet wanpela bikpela na strongpela feit we bai klostu olgeta olsem strongpela banis agensim ol plen bilong man nogut—, dispela bai wanpela trupela feit, dispela kain feit we bai strongim yumi na bai sapotim strongpela laik long kisim long laik bilong yumi wanem em i rait. Wantaim nogat dispela kain feit, yumi bai no inap igo long wanpela hap. Wantaim dispela kain feit, yumi ken mekim kamap olgeta gol bilong yumi.

Taim em i nambawan tru olsem yumi mas kisim long laik bilong yumi wantaim gutpela tingting, i gat i stap sampela taim we yumi bai mekim ol rabis sois. Dispela presen yumi gat long pasin bilong tanim bel, em Sevia yet i givim, bai inapim yumi long stretim rot yumi wok long go long em, olsem yumi iken tanim ikambek long dispela rot we bai kisim yumi igo long seletel glori we yumi wok long painim.

I olrait long yumi lukautim dispela strong long go agensim tingting bilong ol bikpela lain. I olrait long yumi mas olgeta taim kisim long laik bilong yumi dispela we i hat tasol i rait, long kisim ples bilong dispela we i isi tasol i rong.

Taim yumi tingting long ol desisen yumi mekim insait long laip bilong yumi long wanwan dei—sapos long mekim dispela sois o long mekim narapela sois—sapos yumi kisim long laik bilong yumi Krais, yumi bai lukim olsem yumi gat stretpela sois.

Em dispela bai olgeta taim i kamap olsem em trupela na daunim pasin preya bilong mi long nem bilong Jisas Krais, Lod na Sevia bilong yumi, amen.