Visiting Tising Toktok, April 2016
Ol Pikinini Meri bilong Papa bilong Yumi we i stap Oltaim Oltaim
Wantaim preiya stadim dispela ol samting na lukluk long save wanem samting bai yu sherim. Hau bai save bilong yu long : Femili: Tokaut i go long Dispela Graun” bai litimapim feit bilong yupela long God na blesim ol dispela lain yu save was long ol thru long visitin tising? Long moa infomesen, go long reliefsociety.lds.org.
Feit, Famili, Rilif
Ol skripsa tisim yumi olsem “yumi ol pikinini bilong God” (Acts 17:19). God i bin toktok gen long Emma Smith, meri bilong Profet Joseph Smith, na kolim em olsem “pikinini meri bilong mi” (D&C 25:1). Dispela famili tokaut i tisim yumi olsem yumi wanwan yumi “wanpela spirit … pikinini meri bilong papamama long heven we ol i save laikim yumi tumas.”
Carole M Stephens, nambawan kaunsela long Rilif Sosaiti generol presidensi i tok, “Long [taim bipo] kingdom, yumi bin lainim olsem yumi ol meri i gat laip oltaim oltaim.”
“Dispela wokabaut bilong yumi i kam long dispela graun i no bin senisim dispela ol trupela samting long yumi.”
Elder Jeffrey R. Holland bilong Kwarum bilong ol Twelpela Aposol i tok, “Papa bilong yu long Heven i save long nem bilong yu na save long sindaun bilong yu.” “Em i save harim ol preya bilong yu. Em i save long ol hop na driman bilong yu, wantaim tu taim yu poret na ol wari bilong yu.”
“Yumi wanwan yumi bilong famili bilong God na yumi igat nid long stap insait long famili bilong God,” Sister Stephens i tok. “Ol famili long dispela graun olgeta i luk narakain. Na taim yumi wok long traim bes bilong yumi long kirapim ol strongpela pasin tumbuna famili, ol memba insait long famili bilong God i no sanap antap long wanem kain stap bilong yu—sapos yu marit o nogat, sapos yu i gat pikinini o nogat, sapos yu i gat mani o nogat, sapos yu bikman o man nating, na tu wanem kain pasin bilong yu long ai bilong olgeta pipol.”
Sampela narapela skripsa
Jeremiah 1:5; Romans 8:16; Doctrine and Covenants 76:23–24
Long Histori bilong Yumi
Insait long toktok bilong em long Nambawan Visen, Profet Joseph Smith i tok klia long planti trut —wantaim tu olsem Papa bilong yumi long Heven i save long nem bilong yumi.
Yangpela Joseph i bin painim hat long save long wanem sios long joinim na em i bin painim direksen insait long James 1:5. Joseph i tokim em yet bai em i askim God.
Wanpela morning long taim bilong Spring long 1820, em i go long bus long prei tasol kwiktaim tru wanpela tudak pawa i holim em. Long dispela em i raitim olsem:
“Stret long taim bilong bikpela poret, mi lukim wanpela lait i kam daun olsem pos antap stret long het bilong mi, bikpela moa long lait bilong san, na em i kam daun isi isi inap em i pundaun antap long mi.
“I no long taim long em i kamap na mi painim mi yet i go aut long birua we i bin holim mi pas. “Taim lait em stap antap long mi Mi lukim tupela Man, husait lait na glori bilong ol i winim olgeta samting, i sanap antap long mi antap long skai. Wanpela bilong ol i toktok long mi, singautim mi long nem bilong mi na poin i go long narapela na tok,—Harem Em!” Josep Smit—Histori 1:16–17
© 2016 ikam long Intellectual Reserve, Inc. Olgeta toktok hia i bilong sios tasol. Printim long USA. Tok orait long Inglis: 6/15. Tok orait long tanim tokples: 6/15. Tanim tok bilong Visiting Teaching Message, April 2016. Tok Pisin. 12864 878
Tingim Dispela
Hau na taim yu save olsem yu pikinini meri bilong God bai senisim disisen bilong yu?