Yesu Kristo Su ahodoɔ Ɔdɔ Mmapa ne Ɔdɔ ahyɛ ne ma

Twerɛsɛm ho Akwankyerɛ no kyerɛ ɔdɔ mmapa mu sɛ “ɔdɔ a ɛkorɔn pa ara, di mu, na ɛmu yɛ den pa ara” (“Ɔdɔ Mmapa”). Ɛyɛ Yesu Kristo dɔ korɔgyeen no. Berɛ a yɛresua afiri Yesu Kristo hɔ na yɛrepere sɛ yɛbɛ sɛ Ɔno no, yɛbɛhyɛ aseɛ ate Ne dɔ korɔgyeen no wɔ yɛn abrabɔ mu na ɛkannyan yɛn sɛ yɛnnɔ na yɛnsom afoforɔ sɛ ɔno. “Ɔdɔ mmapa kyerɛ sɛ worenya obi a wadi wo hwammɔ ho aboterɛ,” Titenani Thomas S. Monson na ɔkaeɛ. “Ɛyɛ ko a yɛko tia atenka a ɛma biribi yɛ yɛn ya ntɛm. Ɛyɛ gye a yɛgye sintɔ ne mmerɛyɛ tom. Ɛyɛ sɛdeɛ yɛgye sɛdɛe nnipa teɛ tom. Ɛyɛ hwɛ a yɛnhwɛ anisoɔ na mmom yɛhwɛ suban pa a ɛrensesa mmerɛ pii akyi. “Ɛyɛ ko a yɛko tia atenka a ɛma yɛyɛ nyiyimu.

Wɔ Mormon Nwoma no mu no, yɛsua nokorɛ kɛseɛ sɛ “momfa akoma mu ahoɔden nyina ara mmɔ mpaeɛ nkyerɛ Agya no, sɛ ɔmfa saa ɔdɔ yi nhyɛ mo ma, deɛ ɔde agu wɔn a wɔyɛ ne Ba Yesu Kristo akyidifoɔ ampa no so no; ama mo abɛyɛ Onyankopɔn mma; ama mmerɛ a ɔbɛpue no, yɛabɛyɛ sɛ ɔno, ɛfiri sɛ yɛbɛhunu no sɛdeɛ ɔteɛ; ama yɛanya saa anidasoɔ yi; ama wate yɛn ho sɛdeɛ ne ho teɛ no mpo.” (Moronae 7:48).