Kaunopada mwohn Omwi Kapakap

President Eyring katamankin kitail me kapakap “iei wehwepene nan pwungeng Koht oh Sapwellime serihkan. Kiheng ansou mwahu en kaunopada ong atail kapakap kan kak wiahda soangen wehwepenehu en pweida. Ke kak doadoahngki noumw journal minit kei ni omw kaukaunopehng kapakap nan rahn koaros. Ke kak ntingihda kapai kan me komw men kapingkihong Sahm Nanleng, eden aramas me anahne ahmw kapakap, oh peidek kan me komw anahne pasapengpe. Eri luke Ngehno sang ni kokoulki ehu koul en sarawi de wadek ekei iren pwuhk sarawi. Ni omw pahn kapakap, tehk mwahu duwen Ngehn Sarawi eh pahn kaweid kin uhk dahme ke pahn kin nda, oh tehk mwahu duwen ahmw pepehm oh madamadau kan (tehk D&C 8:2–3). Medewe ntingihdi irair me ke kin alehdi nan noumw journal oh pwurehng tehk pasapeng me ke alehdi. Ke pil kak doadoahngki wiepe kan me mih nan teh 95–97 en Preach My Gospel: A Guide to Missionary Service pwe en soweseiuk tehk mwomwen kapakap oh esehla kasawiada Ngehn Sarawi.