Te Rongorongo n Reirei ni Kakawari, Tebetembwa 2014
Ana Mwakuri Iesu Kristo ae Tabu: Te Tia Karaunano
Tataromwaaka ni kamatebwaia te bwai n reirei aei ao n ukoukoria n ataia bwa tera ae ko na tibwauaia. E kanga am atatai ni maiun ao ana mwakuri te Tia Kamaiu ni karikirakea am onimaki Irouna ao ni kakabwaiaia naake ko tararuaia rinanon te reirei ni kakawari? Ibukin rongorongona riki, nakon reliefsociety.lds.org.
E berita Iesu Kristo, “I bon aki kitaningkami ni motiki romi; I a okiringkami” (Ioane 14:18). E berita bwa E na anganira te “bau ae tamaroa n onea mwin te mannang, ao te bwa ni kukurei n onea mwin te kunnikai n tang” (Itaia 61:3. Ibukin korakain Kristo n ana Mwakuri ni Kamaiu ibukira n tatabemanira, E bon aki mwaninga taekara. “Ara Tia Kamaiu e katoka iaona … marakira ao korakaira ao karawawatakira bwa E aonga n ataia bwa tera ara namakin ao e na kanga ni karau nanora,” e taku Linda S. Reeves, te kauoman ni kauntira n te beretitentii ni kabuta n te Botaki n Aine.
N ataakina bwa Kristo e na karau nanora e kona n uota te rau ao ni kaungaira n iriiri Ana katoto man ara mwakuri n ibuobuoki nakoia tabeman. E taku Beretitenti Thomas S. Monson: “Ara atatai ibukin te euangkerio ao ara tangira ibukin te Tama are i Karawa ao ibukin ara Tia Kamaiu a na karau nanora ao ni boutokaira ao n uota te kimwareirei nako nanora ngkai ti nakonako n te aro ae riai ao ni kawakin tuua. A na akea te bwai teuana n te aonaaba aei ae e na tokanikai iaora”
Man Koroboki aika Tabu
Ioane 14:18, 23; Aramwa 7:11–13; Doctrine ao Covenants 101:14–16
Man Rongorongora
Elaine L. Jack, te ka 12 ni beretitenti ni kabuta n te Botaki n Aine, e taku: “Inanon te reirei ni kakawari ti roota temanna ma temanna ni buokia. Ara mwakuri n angin te tai a tomaaki ma ara taeka a aki kona. Te irabwati n raonaki ma te tangira e tomaaki raoi. Te uaia ni ngare e katiteuanaira ni kabane. Te tai n tibwatibwa e kabooui nanora. N tainako ti aki kona n tabeka rawawatan te aomata are e karawawataaki, ma ti kona n tabekiarake bwa e aonga ni kona ni kaitaraa.”
Tarira n te Botaki n Aine aika bwaeoniia “a kunea te korakora ni maiun tamneia n aia tangira ao aia nanoanga aine n tatabemania … ngkai a korakai n taian kakatai n te aoraki ao te mate, a tataro inanon te onimaki i bon imarenaia ao ni karau nanoia i bon imarenaia. ‘Tangiran te Atua e tibwauaki ibuakoia aomata,’ e koreaki iroun Helen Mar Whitney, ‘ni karokoa are temanna te aomata ae buakaka e taraa n akea korakorana inanon ana konabwai n roko imarenara ao te Uea, ao ana kakatai aika buakaka, inanon tabeua katoto, akea te karawawataki ae reke mai iai.’”
© 2014 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/14. Kariaiakaki rairana: 6/14. Rairan te Visiting Teaching Message, September 2014. Kiribati (Gilbertese). 10869 859
Iangoa Aio
E kanga te atatai ae te Uea e uringko n anganiko te karaunano?