Tub Hluas Ntxhais Hluas
Kuv Rov Qab Ua Hauj Lwm Dua
Tus kws sau ntawv no nyob hauv Rio Grande do Norte, Brazil.
Muaj ib hnub, thaum kuv tab tom pab lwm tus tiav lawm, kuv twb mus kev dhau peb lub tsev sib ntsib thiab pom ob tug viv ncaus uas tu lub tsev sib ntsib ntawd. Kuv cia li hais kiag hais tias: “Viv ncaus, neb puas xav tau kev pab?” Ib tug luag nyav rau kuv thiab hais tias kuv twb tuaj raws sij hawm zoo vim tsuas muaj nkawd ob leeg tu tsev thiab nkawd nkees nkees heev. Nws hais tias nws tau thov tus Tswv kom Nws xa ib tug tuaj pab nkawd. Kuv zoo siab uas kuv yog tus uas tau teb nws zaj lus thov. Kuv nyuam qhuav pab lwm tus tiav lawm thiab kuv kuj nkees ib yam, tiam sis kuv ua raws li kuv lub siab qhia kuv thiab hais tias kuv yuav pab ntxiv.
Ib lo lus txib qhia tias peb yuav tsum ua hauj lwm nrog kev xyiv fab (saib Q&K 24:7). Thaum peb xav pab txhua lub sij hawm, ces peb pab tau lwm tus neeg txais tej txuj ci tseem ceeb hauv lawv lub neej. Peb lub neej muaj nqi ntxiv thaum peb ua hauj lwm pab. Tus Tswv hlub peb tiag tiag, Nws pab Nws txhua tus me nyuam, thiab Nws yuav ntxiv zog rau peb ua hauj lwm.