I a Manga Beku Riki

Te bong teuana, imwiin banen ara mwakuri n ibuobuoki iaon te karikirake, I nakonako rirarikin ara autinibotaki ao I nooria uoman aine aika kaitiaki iai. E a rina naba n otinako au taeka: “Aine, kam kainnanoa buokami?” E taraai temanna mai irouia ao e taku bwa I roko raoi iaon te tai are bon tii ngaiia ni kaitiaki ao a bon rang ni kua. E taku bwa e a kaman tataro bwa te Uea e na kanakoa temanna ibukin buokaia. I bon rangi ni kukurei ngkai I riki bwa kaekaan ana tataro. I a bon tibwa tia ni buoka temanna ao I a bon kua naba, ma I ira nanou ao n anga riki au ibuobuoki.

Bon te tua ae ko na mwakuri ma te kimwareirei (taraa D&C 24:7. Ngkana iai nanora ni kan beku n taai nako, ti kona ni buoka ni karikii kakai inanon maiuia aomata. E na korakora riki manenan maiura ngkana ti beku. E rang tangiriira te Uea, E buokiia natina n tatabemania, ao E na anganira te korakora ni karaoa ara beku.