Tub Hluas Ntxhais Hluas
Kawm Paub txog Kuv Pog
Tus sau zaj no nyob hauv Virginia, USA.
Rau kuv ib qho project hauv lub Koom Haum Ntxhais Hluas, kuv yuav pab kuv pog nrhiav nws poj koob yawm txwv los ntawm qhov uas kuv saib cov microfilm nyob ntawm qhov chaw nrhiav tsev neeg zaj keeb kwm nyob hauv Mesa, Arizona, Teb Chaws Amelikas. Thaum wb zaum ua ke thiab nrhiav peb poj koob yawm txwv, ua rau kuv xav hais tias: “Kuv puas paub txog kuv pog uas zaum ntawm kuv ib sab no?”
Wb tau nrhiav ntau tus poj koob yawm txwv, tau npaj lawv tej xov xwm, thiab mus rau lub Tuam Tsev Mesa Arizona ua kev cai raus dej thiab kev pom zoo. Tsis ntev tom qab ntawd, kuv pog muab ib phau ntawv txog nws tsev neeg zaj keeb kwm rau kuv.
Vim nws muaj mob ntawm tej qij pob txha (rheumatoid arthritis), ua rau kuv pog mob heev thaum nws ntaus ntawv. Kuv nyiam ntaus ntawv rau lub computer kom pab nws. Ua ke, wb sau tej zaj dab neeg los ntawm nws lub neej kom pab peb tsev neeg sab ntsuj plig. Kuv nyiam ua neej nyob nrog nws thiab kawm ntau txog lub Koom Txoos tej zaj keeb kawm thaum wb ua hauj lwm ua ke ua li no.