Cov Mus Saib Xyuas Tom Tsev tsab Xov, Xya Hli Ntuj 2014
Yexus Khetos lub Luag Hauj Lwm Los Saum Ntuj Los: Tus uas Tuaj Peb Tog
Ua tib zoo thov Vajtswv kawm tej yam no thiab nug seb koj yuav tsum qhia dab tsi. Qhov uas koj to taub tus Cawm Seej lub neej thiab lub luag hauj lwm yuav ua rau koj txoj kev ntseeg Nws loj tuaj thiab foom koob hmoov li cas rau cov uas koj saib xyuas tom tsev? Kom tau ntaub ntawv xov xwm ntxiv, cia li txuas rau reliefsociety.lds.org.
Yexus Khetos yog peb tus Advocate los yog tus Tuaj Peb Tog nrog Leej Txiv. Lo lus advocate yog lus Latees uas txhais hais tias “ib tug uas thov pab lwm tus. Tus Cawm Seej thov kom pab peb, nrog kev to taub, kev txim lij, thiab kev siab hlub. Qhov uas peb paub li no ua rau peb muaj kev hlub thiab kev ris txiaj vim muaj Nws txoj Kev Theej Txhoj.
“Mloog [Yexus Khetos] tus uas yog tus daws nej zaj hais thov Leej Txiv, tus tab tom thov nws txog nej zaj—
“Hais tias: Txiv, thov saib tej kev txom nyem thiab kev tuag ntawm tus tsis tau ua txhaum, tus uas koj tau txaus siab rau; thov saib cov ntshav ntawm koj Leej Tub uas tau nrog, cov ntshav ntawm tus uas koj tau muab txi kom koj tus kheej yuav tau yeeb koob.
“Yog li ntawd, Leej Txiv, thov tseg kuv cov kwv tij no uas ntseeg kuv lub npe, xwv kom lawv yuav los cuag kuv thiab tau txoj sia kav ib txhis” (saib Q&K 45:3–5).
Txwj Laug D. Todd Christofferson ntawm Pawg Kaum Ob tug Thwj Tim hais txog qhov uas Khetos yog tus uas Tuaj Peb Tog hais tias: “Yog ib qho tseem ceeb heev uas txhua lub sij hawm, txawm kuv raug xwm txheej dab tsi los, kuv muaj cib fim thov Vajtswv mus cuag Nws lub rooj zaum ntawm kev tshav ntuj, kuv Leej Txiv Saum Ntuj Ceeb Tsheej yuav hnov kuv tej lus thov, tus uas Tuaj Kuv Tog, tus uas tsis tau ua txhaum, Nws cov ntshav tau nrog kom theej kuv lub txhoj.”
Los ntawm cov Vaj Lug Kub
Mauxiyas 15:8–9; Maulaunais 7:28; Lus Qhuab Qhia thiab Kev Khi Lus 29:5; 110:4
Los ntawm Peb zaj Keeb Kwm
Nyob hauv tus Tswv lub Koom Txoos zaj keeb kwm, cov thwj tim ntawm Yexus Khetos uas yog poj niam tau ua raws li Nws tus yam ntxwv. Exethaws yog ib tug uas tuaj lwm tus tog uas rau siab thiab ua siab tuab. Nws txiv tus tij laug tus ntxhais Maudekhais xa ib daim ntawv los ntawm tus vaj ntxwv uas qhia tias yuav tsum muab cov Neeg Yudais puas tsuaj mus, thiab Maudekhais hais kom “Exethaws kav tsij mus cuag vaj ntxwv thiab thov vaj ntxwv hlub niam vaj ntxwv haiv neeg.” Nws hais tias: “Tej zaum qhov uas koj tau los ua niam vaj ntxwv rau tej lub sij hawm zoo li no?” (Exethaws 4:8, 14.)
Txawm ntshai nws yuav raug xwm txheej vim nws tuaj nws cov neeg tog, Exethaws pom zoo: “Kuv yuav mus cuag vaj ntxwv thiab yog hais tias, kuv ua txhaum kev cai, kuv tuag los xij peem, kuv yeej zoo siab tuag” (Exethaws 4:16).
Ces Exethaws txo hwj chim hais lus rau tus vaj ntxwv thiab “qhau cev hlo ntawm vaj ntxwv ko taw, thiab thov ua kua muag poob …kom muab tsab ntawv uas hais kom muab cov neeg Yudais… tua pov tseg huv tib si ntawd rhuav pov tseg.” Nws hais tias, “Kuv yuav ua li cas nyiaj taus saib kuv haiv neeg raug kev puas tsuaj?” (see Exethaws 8:3, 5–6). Ua rau tus vaj ntxwv lub siab mos muag, thiab nws cia kom muaj raws li Exethaws thov.
© 2014 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub txhais ua lus Akiv : 6/14. Pub txhais ua lus Hmoob: 6/14. Kev txhais lus Visiting Teaching Message, July 2014. Hmong. 10867 295
Xav Txog Qhov No
Qhov uas Yexus Khetos tuaj peb tog tshoov peb lub siab li cas kom peb muaj siab hlub thiab zam txim rau lwm tus?