2014
Mwiokoan Iesu Kristo mairoun te Atua: Te Tia Kawakin-Tiibu ae Raoiroi.
Beberuare 2014

Te Rongorongo ni Kakawari n Reirei, Beberuare 2014

Mwiokoan Iesu Kristo mairoun te Atua: Te Tia Kawakin-Tiibu ae Raoiroi.

Kamatebwaia te reirei aei ma te tataro mwaaka bwa ko aonga n ata te bwai ae ko na tibwauaia. E na kanga ataakin maiun ao mwiokoan te Tia Kamaiu ni karikirakea am onimaki Irouna ao ni kakabwaia naake ko tararuaia rinanon te kakawari n reirei? Ibukin rongorongona riki tabeua, nakon reliefsociety.lds.org.

Iesu Kristo, te Tia Kawakin-Tiibu ae Raoiroi, e reirei:

“Antai i buakomi ae tebubua ana tiibu, ngkana e a bua temanna mai buakoia, ao e na aki kitania ake ruangauni ma ruaman n te rereua n ukoukora are e bua, ni karokoa rekena? …

“I taku nakoimi, bwa … ai aron naba karawa bwa e na maiti riki te kimareirei iai i bukin te aomata ae buakaka ae ti temanna ae raira nanona” (Ruka 15:4, 7).

Ngkana ti ataia bwa Iesu Kristo bon te Tia Kawakin-Tiibu ae Raoiroi, e rikirake nanora n ira ana banna ni katooto ao ni buokiia naake a kainnano. E taku Iesu: “Boni ngai te tia-kawakin tiibu ae raoiroi; ao I ataiia au tiibu, ao a ataai au tiibu” (Ioane 10:14–15). Ibukin Ana Mwakuri ni Kamaiu Kristo, akea mai ibuakora ae e na kona ni bua ae ti na aki kona ni kunea kawaira n okira mweengara (tara Ruka 15).

E taku Beretitenti Thomas S. Monson, “Bon tabera tararuakia taian nanai. … Ti bia teirake ni karaoa te beku.”

Man Booki aika tabu

Taian Areru 23; Itaia 40:11; Motiaea 26:21

Man Ara Rongorongo

Elizabeth Ann Whitney, are e ira ana moan bootaki te Bootaki n Aine, e taekina aron rairakina n te 1830: “N te tai naba are I ongo iai taekan te Euangkerio are a tataekinna mitinare mwaane, I ataia bwa bon bwanaan te Tia Kawakin-Tiibu ae Raoiroi.” e a tia Elizabeth n ira bwanaan te Tia Kawakin-Tiibu ae Raoiroi ao e bwabetitoaki ao ni kamatoaaki.

Ti kona naba n ongo bwanaan te Tia Kawakin Tiibu ae Raoiroi ao n tibwaua Ana reirei ma tabeman. E taku Beretitenti Monson, “Ngaira bon a ana tabonibai te Uea ikai iaon te aba, ma te kariaiakaki ni beku ao n tabekiia rake Natina.”

Kanga ai aron te tia kawakin tiibu are e ukoukora te tiibu ae bua, a kona kaaro ni uokoukora te ataei ae e a tia ni kitan reirein te euangkerio. Beretitenti James E. Faust (1920–2007), te Kauoman ni Kauntira n te Moan Beretitentii, e taku: “Nakoia kaaro ake a uruaki nanoia ake a tia ni kabanei aia tai n raoiroi, ni mwakuri korakora, ao n tataro mwaaka n reireiniia natiia aika aki ongotaeka, ti kangai nakoimi, te Tia Kawakin-Tiibu ae Raoiroi e tararuaia raoi. Te Atua e atai ao e oota n nanomi ae rawawata. Iai te kantaninga.”

© 2014 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/13. Kariaiakaki rairana: 6/13. Rairan te Visiting Teaching Message, February 2014. Kiribati. 10862 859

Bwaai aika a na taraaki

  1. Thomas S. Monson, “Heavenly Homes, Forever Families,” Liahona, Tuun 2006, 70.

  2. Elizabeth Ann Whitney, n te Daughters in My Kingdom: The History and Work of Relief Society (2011), 128.

  3. Thomas S. Monson, “Tera ae I a Tia ni Karaoia ibukin Temanna n te Bong aei?” Riaona, Nobembwa. 2009, 86.

  4. James E. Faust, “Dear Are the Sheep That Have Wandered,” Liahona, Meei 2003, 68.

Tera ae I Kona ni Karaoia?

  1. E kanga atakina ae te Tia Kamaiu bon te Tia Kawakin Tiibu ae Raoiroi ae e uota te rau nako nanon maiura?

  2. Te anga ra ae ti kona n ibuobuoki iai nakoia ake a “bua” man ana waaki ni kakukurei te Ekaretia ke naake tiaki kaain ara onimaki?

  3. N na kanga ni boutokaia kaaro ake a tia aia ataei n aki maiuakina te euangkerio?