Mwakuri n Ibuobuoki n te Tiamwa

N te tiamwa teuana ao I kabanea te tai ni mwakuri n aban tinaniku ma ataei aika iai aia kanganga aika onoti. Ngke I moan ni kaitibo ma ataei, e bon rotai te raraoma. I aki ata aia taetae, ma I kakoaua bwa e na kairai te Tamnei n au tai n reitaki ma ngaia. Ngke I a moanna ni kinaia ataei n tatabemania, I kakoaua bwa te taetae tiaki te totoko nakon te tangira. I takakaro, I ngarengare, ao ni karaoi bwaai n takakaro ma ataei ao I aki kona n ibuobuoki ma I namakina te tangira ae bwanin ibukiia. I waekoa n ata ana tangira te Tama are i Karawa ibukiia Natina, ao te kukurei are e kaona nanou ae akea kabotauan kabwarabwarakina.

N te tai are I beku ibukiia tabeman, I namakina te tangira tiaki ti ibukiia naake I beku ibukiia ma ibukin naba Tamara are i Karawa. I a tia ni kakoaua anne “ngkana kam beku ibukiia raomi ao kam boni beku naba iroun Atuami” (Motiaea 2:17). Bukin au mwakuri, tao n te ibuobuoki ae bubura ke rinanon mwakuri n akoi aika uarereke, bon ibukin neboan te Atua (tara Mataio 5:16). Au kantaninga bwa ngkana I beku ibukiia tabeman, aomata ana kina au tangira ibukin te Tama are i Karawa ao Ootan Kristo are e kia inanou.