Txoj Kev Txuas ntawm Kev Hlub

Hais kom ib tug neeg laus pab koj txiav 28 daim ntawv nyias nyias uas ntev, txiav txhua daim kom dav li 1 yas tes (2.5 cm) thiab kwv yees ntev li 8 yas tes (20 cm). Lub hli no, txhua hnub cia li ua ib yam kom pab ib tug neeg paub tias koj hlub nws. Tej zaum koj pab tau koj niam koj txiv tu koj lub tsev los yog sau ib tsab ntawv zoo rau ib tug neeg zej zog.

Sau ntawv rau koj ib daim ntawv txog qhov uas koj tau pab ib tug neeg, ces cia li muab ntaub nplaum los yog kua nplaum ntawm ob sab kom ua ib lub voj voog. Koj txuas tau koj tej voj voog ua ke yog koj muab ib sab ntawm daim ntawv tshiab ntxig rau hauv lub voj voog uas koj tau ua hnub tas los ua ntej koj siv kua nplaum los yog ntaub nplaum muab ob sab ntawm daim ntawv tshiab lo ua ke. Cia li saib koj txoj saw ntawm kev hlub ntev tuaj. Tej zaum koj tseem ntxiv tau tej daim ntawv rau koj txoj saw tom qab lub Ob Hlis Ntuj.