2013
Ahotosoɔ
Fankwa-Ɛbɔ 2013

Nsrahwɛ Nkyerɛkyerɛ Nsɛm, Ɛbɔ 2013

Ahotosoɔ

Fa mpaebɔ sua saa nwoma yi, na sɛ ɛfata a, ɛne anuanom mmaa a wosra wɔn no nni ho nkɔmmɔ. Fa nsɛmmisa no hyɛ wo nuanom mmaa no den na ma Relief Society nyɛ w’abrabɔ mu ahiasɛm. Sɛ worepɛ mu nsɛm bio a, kɔreliefsociety.lds.org.

Relief Society nsɔano

Gyedie, Abusua, Ɔgyeɛ

Ahotosoɔ yɛ ahoɔden, ahofama, ne mmɔdemmɔ a yɛwɔ sɛ yɛbɛhwɛ yɛn ho ne yɛn mmusua wɔ honhom ne honam fam yiedie mu.

Berɛ a yɛresua na yɛde ahotosoɔ nnyinasosɛm redi dwuma wɔ yɛn afie ne yɛn mpɔtam no, yɛwɔ akwanya sɛ yɛbɛhwɛ onnibiefoɔ ne ahiafoɔ na yɛaboa ma wɔada wɔn ho so ama wɔatumi asɔ amanehunu ano.

Yɛwɔ akwanya ne asɛdeɛ sɛ yɛbɛnam yɛn pɛ so anya ahotosoɔ wɔ honhom ne honam mu. Berɛ a na ɔrekasa fa honhom mu ahotosoɔ ne twere a yɛbɛtwere Ɔsoro Agya no, Elder Robert D. Hales a ɔwɔ Asomafoɔ Dumienu Kuo no mu no kaa sɛ: “Yɛnya nsesa, nya honhom mu ahotosoɔ berɛ a yɛde mpaebɔ di yɛn apam so, berɛ a yɛfa adidi kronkron ahoteɛ mu, na yɛreyɛ kronkron ama yɛasɛ afata tɛmpol adansedie krataa no.

Elder Hales tuu fo sɛ yɛnnya ahotosoɔ wɔ honam fam, “deɛ ɛka wei ho ne sɛ yɛbɛnya nteteɛ wɔ suapɔn mu anaa sɛ yɛnya nsa-ano adwuma; na yɛnsua sɛ yɛbɛyɛ adwuma na yɛmma deɛ yɛwɔ nso yɛn. Sɛ yɛkwati ɛka na yɛsie sika seesei a, ɛnneɛ na yɛayɛ krado sɛ yɛde yɛn berɛ nyina ara bɛsom Asɔre no mfeɛ kakra akyi. Honam fam ne honhom fam ahotosoɔ botaeɛ ne sɛ yɛbɛtumi agyina yɛn nan so aboa afoforɔ.”

Wɔ Twerɛsɛm no mu

Mateo 25:1–13; 1 Timoteo 5:8; Alma 34:27–28; Nkyerɛkyerɛ ne Apam 44:6; 58:26–29; 88:118

Wɔ y’abakɔsɛm mu

Nna a Ɛdi Akyire Ahotefoɔ no boaa wɔn ho ano wɔ Salt Lake Bonhwa a na ɛyɛ sare a na obiara nni so no mu akyire no, Brigham Young pɛɛ sɛ wɔtu mpɔn na wɔsisi adan a ɛbɛwɔ hɔ daa. Wei kyerɛ sɛ na ɛwɔ sɛ Ahotefoɔ no pɛ nimdeɛ a ɛbɛma wɔanya ahotosoɔ. Wɔ ne mmɔdemmɔ mu no, Titenani Young nyaa gyedie kɛseɛ wɔ mmaa no ahoɔden, adom-akyɛdeɛ, nokorɛdie ne wɔn ahofama mu, na ɔhyɛɛ wɔn nkuran sɛ wɔmfa wɔn ho nhyɛ asɛdeɛ pɔtee bi mu. Ɛwɔm sɛ Relief Society asɛdeɛ pɔtee asesa nnɛ deɛ, nanso nnyinasosɛm no yɛ saa ara:

  1. Sua sɛ wobɛdɔ adwuma na woakwati aniha.

  2. Nya atuhoakyɛ honhom.

  3. Gye to mu sɛ ayɛ w’asɛdeɛ sɛ wopɛ wo honhom mu ahoɔden, apɔmuden, adesua, adwuma, sikasɛm, aduane, ne nneɛma afoforɔ a ɛhia ma asetena.

  4. Bɔ mpaeɛ nya gyedie ne akokoduro a wode bɛsɔ ahaw ano.

  5. Hyɛ afoforɔ a wɔhia mmoa den.

© 2013 by Intellectual Reserve, Inc. Ntintim ho akwanya. Wɔtintimm wɔ USA. English approval: 6/13. Translation approval: 6/13. Translation of Visiting Teaching Message, September 2013. Twi. 10666 503

Atwerɛ

  1. Hwɛ Asɔre dwumadie Nwoma 2 no mu: Asɔre no so hwɛ (2010), 6.1.1.

  2. Robert D. Hales, “Yɛn ani nna yɛn ho so: Adidi Kronkron, Tɛmpol, ne Atuhoakyɛ wɔ Ɔsom mu,” Liahona ne Ensign, Kɔtɔnimma 34, 2012.

  3. Robert D. Hales, “Yɛn ani nna yɛn ho so,” 36.

  4. Hwɛ Mma Mmaa a Wɔwɔ M’aheman Mu: Relief Society Abakɔsɛm ne ɛmu Adwuma (2011), 20–21.

Deɛn na mɛtumi ayɛ?

  1. Kwan bɛn so na mereboa anuanom mmaa a mehwɛ wɔn so no ama wɔanya wɔn honam ne honhom fam ahiasɛm ho ano-aduro.

  2. So meretu mpɔn wɔ me honhom mu ahotosoɔ mu berɛ a meresiesie me ho ama adidikronkron na meretu me ho asi hɔ asom?