Thov Kho Kuv lub Siab

Txog hnub uas nco txog hnub uas kuv tus nus hnub tas sim neej, kuv xav txog lub sij hawm txij thaum nws tas sim neej los. Kuv nco qab txog kuv txoj kev mob siab heev thiab cov koob hmoov uas Vajtswv pub rau kuv thiab.

Kuv yeej tsis tau to taub yog vim li cas tib neeg yuav hais tias qhov uas ib tug lawv hlub tas sim neej yuav coj koob hmoov los rau lawv. Kuv tsis tau to taub hais tias kuv yuav ua li cas kom muaj kev xyiv fab thiab kev ris txiaj los ntawm ib qho uas ua rau kuv lub siab mob heev. Tiam sis muaj ib hmo uas ua rau kuv xav txawv.

Kuv tsim los thaum ib tag hmo es kuv lub siab mob kawg nkaus. Qhov mob loj ua luaj li. Kuv txhos caug thiab quaj thov rau kuv Leej Txiv Saum Ntuj Ceeb Tsheej. Tas kuv lub neej lwm tus qhia kuv txog txoj Kev Theej Txhoj thiab Yexus Khetos lub hwj chim kho neeg mob. Nim no ua rau kuv raug kev sim siab. Kuv puas ntseeg tiag tiag? Kuv thov kuv Leej Txiv Saum Ntuj Ceeb Tsheej kho kuv lub siab. Kuv nyiaj tsis tau qhov mob kuv tus kheej xwb.

Ces muaj ib qho kev kaj siab lug, kev nplij siab thiab kev hlub uas los thoob plaws kuv lub cev. Kuv xav tias zoo nkaus li Vajtswv puag kuv thiab tab tom pov hwm kuv ntawm qhov mob uas muaj hauv kuv lub siab. Kuv tseem nco kuv tus nus, tiam sis ua rau kuv pom qhov no txawv yav dhau los. Muaj ntau yam uas kuv kawm tau los ntawm qhov no.

Kuv paub tias yeej muaj tus Tswv txoj kev hlub thiab kev kaj siab lug. Peb yuav tsum txais xwb.