Paub Hais Tias Yuav Hais txog Dab Tsi

Yog koj xav hais tias koj tsis paub txog txoj moo zoo txaus los qhia rau lwm tus, no ces muaj kev cia siab rau cov lus cog tseg hauv tej vaj lug kub:

Tus Tswv hais kom peb tsa peb lub suab hais rau cov neeg no thiab hais tej yam uas nws yuav qhia rau hauv peb lub siab, thiab tib neeg yuav ua tsis tau kom peb txaj muag;

Rau qhov yuav qhia rau peb thaum lub sij hawm ntawd, kom peb paub tias yuav hais li cas (saib D&C 100:5–6).

“Tus Nplij Siab uas yog Vaj Ntsuj Plig tus Dawb Huv uas kuv thov kom Leej Txiv txib los, nws yuav qhia txhua yam rau nej thiab pab kom nej nco txhua yam uas kuv tau qhia rau nej lawm” (Yauhas 14:26).

Tej no yog cov lus cog tseg zoo heev, tab sis kom tau tej no, peb yuav tsum ua peb tej hauj lwm. Hauv tsab xov no, Thawj Tswj Hwm Eyring tau qhia peb kom: “Npaj los mus qhia txoj moo zoo los ntawm kev xav txog tej kev tseeb ntawm txoj moo zoo txhua hnub.” Koj yuav ua li cas thiaj li xav txog tej kev tseeb ntawm txoj moo zoo?