Elder Erich W. Kopischke
No te Hitu Ahuru

Mai te mea ua roaa te hoê mea o ta Elder Erich Willi Kopischke i ite papû, oia ïa, ua ite te Fatu i te mea maitai a‘e no te mau taata.

Te faaite ra oia e, te hoê mea iti o tei faatopa i to’na morare o to’na ïa pii-raa-hia ia tavini i roto i to’na iho fenua oia o Heremani. Ua parau oia e, « Ua hinaaro vau i te haapii i te tahi atu reo ». Area râ, aita i maoro roa, ua here roa oia i te haapiiraa i to’na iho nunaa. E i to’na tono-raa-hia e iva ava‘e i roto i te piha toro‘a a te misioni ei papa‘i parau, titauhia oia ia haapii i te reo Peretane.

No reira, ua ite Elder Kopischke e, e faanahoraa mau ta’na misioni na te Fatu, no te mea ua faaineinehia oia no te reira.

Ua parau oia e « Ua ite te Fatu i ta outou misioni i roto i te oraraa—o to‘u ïa iteraa papû rahi mau ». « Ua ite Oia i te mau mea i faahereherehia no outou ».

Ua fanauhia Elder Kopischke i te 20 no Atopa 1956 i Elmshorn, i Hereemani, i reira to’na paariraa mai i na metua faaroo no te Mau Mahana Hopea Nei, o Helga Haupt Kopischke e Kurt Kopischke.

Ua roaa ta Elder Kopischke parau tuite no te ohipa. I muri mai i ta’na misioni, ua tavini oia ei fa‘ehau hou te fariiraa i ta’na mau haapiipiiraa no to’na nominoraa. Ua matau oia i te vahine o te riro ei vahine faaipoipo no’na, Christine Glück, e o tei haere atoa i te haapiiraa utuuturaa ma‘i. Ua faaipoipohia raua i roto i te hiero no Bern, i te fenua Tuite, i te 19 no titema 1978, e e hitu tamarii ta raua.

Ua rave oia i te ohipa i roto i te ohipa paruru hou a rave atu ai i te ohipa i roto i te Faanahoraa Haapiiraa a te Ekalesia i te matahiti 1996 e ua piihia ei ti‘a faatere no te Area o Europa Ropu i te matahiti 2.000.

I te matahiti 2003 ra, ua piihia oia ia tavini ei peresideni misioni i Berlin, te hoê ohipa o ta raua ta’na vahine i here.

Hou to’na pii-raa-hia i roto i te pŭpŭ matamua no te Hitu Ahuru, ua tavini na o Elder Kopischke ei tauturu no te episekopo, ei melo apooraa teitei, ei peresideni mataeinaa, ei peresideni titi, ei peresideni misioni, ei Hitu Ahuru Area e ei Tauturu Piti i roto i te Araa no Europa Ropu.