« ដំណើររឿងអំពីការនិមិត្តដំបូងរបស់ យ៉ូសែប ស្ម៊ីធ » ប្រធានបទប្រវត្តិសាសនាចក្រ
« ដំណើររឿងអំពីការនិមិត្តដំបូងរបស់ យ៉ូសែប ស្ម៊ីធ »
ដំណើររឿងអំពីការនិមិត្តដំបូងរបស់ យ៉ូសែប ស្ម៊ីធ
យ៉ូសែប ស៊្មីធ បានកត់ត្រាថា ព្រះជាព្រះវរបិតា និងព្រះយេស៊ូវគ្រីស្ទបានបង្ហាញអង្គទ្រង់ដល់លោកនៅក្នុងព្រៃនៅក្បែរផ្ទះរបស់ឪពុកម្តាយលោកនៅរដ្ឋញូវយ៉កភាគខាងលិច នៅពេលលោកមានអាយុ១៤ឆ្នាំ ។ ដោយមានការព្រួយបារម្មណ៍ពីអំពើបាបរបស់លោក និងភាពមិនប្រាដកថាតើផ្លូវខាងវិញ្ញាណមួយណាដែលត្រូវដើរតាម នោះយ៉ូសែបបានស្វែងរកការដឹកនាំតាមរយៈការចូលរួមក្នុងការប្រជុំ ការអានព្រះគម្ពីរ និងការអធិស្ឋាន ។ ក្នុងការឆ្លើយតបនឹងសំណួរលោក លោកបានទទួលការបើកសម្តែងពីស្ថានសួគ៌ ។ យ៉ូសែបបានចែកចាយ និងចងក្រងឯកសារអំពីការនិមិត្តដំបូង ក្នុងឱកាសជាច្រើនដែលគេបានដឹង លោកបានសរសេរ ឬបានចាត់តាំងអ្នកសរសេរឲ្យសរសេរដំណើររឿងបួនផ្សេងគ្នាអំពីការនិមិត្តដំបូង ។
ការពិពណ៌នាអំពី យ៉ូសែប ស្ម៊ីធ នៅក្នុងព្រៃពិសិដ្ឋ ។
យ៉ូសែប ស៊្មីធ បានបោះពុម្ពដំណើររឿងពីរអំពីការនិមិត្តដំបូង ក្នុងឆាកជីវិតរបស់លោក ។ ដំណើររឿងទីមួយដែលយើងបានស្គាល់នាសព្វថ្ងៃនេះថាជា យ៉ូសែប ស៊្មីធ—ប្រវត្តិ ដែលបានលើកឡើងនៅក្នុងព្រះគម្ពីរមុក្តាដ៏មានតម្លៃមហិមា ហើយបានក្លាយជាដំណើររឿងដែលល្បីជាងគេបំផុត ។ ជាទូទៅ ដំណើររឿងដែលបានបោះពុម្ពទាំងពីរ ត្រូវបានកត់ត្រានៅក្នុងជីវប្រវត្តិដំបូងបំផុតរបស់ យ៉ូសែប ស៊្មីធ និងក្នុងទិន្នានុប្បវត្តិក្រោយៗមកទៀត ត្រូវបានបំភ្លេចចោលរហូតដល់ពួកអ្នកប្រវត្តិសាស្ត្រធ្វើការរុករកសាជាថ្មីឲ្យសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ក្នុងទសវត្សរ៍ឆ្នាំ១៩៦០ ។បន្ថែមពីលើដំណើររឿងលើកទីមួយ ក៏មានការពិពណ៌នាចំនួនប្រាំទៀតអំពីការនិមិត្តរបស់ យ៉ូសែប ស៊្មីធ ផងដែរ ដែលបានកត់ត្រាដោយមនុស្សនៅសម័យកាលរបស់លោក ។
ដំណើររឿងផ្សេងៗអំពីការនិមិត្តដំបូងបានប្រាប់អំពីរឿងដូចគ្នា ទោះបីជាដំណើររឿងទាំងនោះមានការគូសបញ្ជាក់ និងសេចក្តីលម្អិតផ្សេងៗពីគ្នាក្តី ។ ពួកអ្នកប្រវត្តិសាស្ត្ររំពឹងថា នៅពេលបុគ្គលម្នាក់ប្រាប់ពីបទពិសោធន៍មួយឡើងវិញជាច្រើនដងនៅកន្លែងជាច្រើន ទៅដល់អ្នកស្តាប់ផ្សេងៗអស់ពេលជាច្រើនឆ្នាំ នោះដំណើររឿងនីមួយៗនឹងគូសបញ្ជាក់ទស្សនៈខុសគ្នាអំពីបទពិសោធន៍ និងព័ត៌មានលម្អិតដែលមាននោះ ។ មនុស្សមួយចំនួនប្រកែកទាំងខុសថា ភាពផ្សេងៗគ្នានៅក្នុងការថ្លែងប្រាប់រឿងសាជាថ្មី គឺជាភស្តុតាងអំពីការប្រឌិដ្ឋរឿងនោះ ។ ផ្ទុយទៅវិញ បញ្ជីប្រវត្តិសាស្ត្រជាច្រើនអាចជួយឲ្យយើងរៀនបានកាន់តែច្រើនអំពីព្រឹត្តិការណ៍ដ៏អស្ចារ្យនេះ ជាងដែលយើងអាចរៀនបាន ថ្វីបើវាមិនត្រូវបានកត់ទុកយ៉ាងពេញលេញក្តី ។
ប្រធានបទដែលទាក់ទង ៖ ការភ្ញាក់ដឹងខ្លួន និងការបណ្ដុះសេចក្តីជំនឿឡើងវិញ, ប៉ាលម៉ៃរ៉ា និង ម៉ែនឆែស្ទើរ, ព្រៃពិសិដ្ឋ និងកសិដ្ឋានរបស់គ្រួសារស្មីធ