Zimbabwe: Tatellano ea liketsahalo tsa Kereke

1928 • Shangani, Rhodesia e ka Boroa.Cecelia Jubber le Walter Taylor Jubber, ba neng ba phela le bana ba bona polasing pela Shangani, ba ile ba mema Samuel Martin, mookameli oa Borumoua ba boruti Lichabeng ba Afrika Boroa, le Moholo Marian Allread ho kolobetsa bara ba bona William A. Jubber le Walter Taylor Jubber.

1930 • Rhodesia e ka Boroa.Barumuoa ba boruti lichabeng ba Borumuoa ba Africa Boroa ho tloha ka Phato ho isa Pulungoana 1930. Ka la 30 Phato, 1931, lekalana la Shangani le ile la hlophisoa, ka Walter Taylor Jubber e le mookameli.

1950-51• Salisbury, Rhodesia e ka Boroa.Barumuoa ba boruti lichabeng ba ile ba khutlela Rhodesia ka 1950. Ka Hlakola 1951, Hugh H. Hodgkiss o ile a amohela kolobetso ´me a fetoha moetapele oa pele oa lehae oa lekalana la Salisbury ka 1959.

1951-57• Salisbury, Rhodesia e ka Boroa.Le ne thehiloe ka 1951, lekalana la Bulawayo haufi le ile la hlophisoa tlasa boetapele ba lehae. Ka 1952, Johanna Jubber o ile a bitsoa e le mookameli oa mokhatlo oa bo ´m´e , ´me ka 1957, Richard Isaacs o ile a bitsoa e le mookameli oa lekala.

1959• Afrika BoroaJean Wood oa lekalana la Bulawayo o ile a qala bosebeletsi ba hae ba borumuoa lichabeng Afrika Boroa.

28 Phuptjane, 1963 • Bulawayo, Rhodesia e ka BoroaLits´ebeletso tse bulang bakeng sa ntlo ea phutheho ea Bulawayo li ile tsa ts´oaroa.

1965–80 • RhodesiaNaha e ile ea fihlella ntoa ea lehae e telele.

26 Pherekhong, 1974 • Bulawayo, Gweru, le Salisbury, RhodesiaMananeo a seminari le Institute a ile a qala ho tsebisoa ho bacha le bacha ba baholo Rhodesia.

1978 • RhodesiaIris Nield o ile a sebetsa ho bokella li rolo tse 2,000 tsa lingoliloeng tsa lifilimi tse nyane bakeng sa mokhatlo oa Leloko oa Utah.

8 Phuptjane , 1978 • Salt Lake City, Utah, USAMookameli oa kereke Spencer W. Kimball o phatlalatsa ts´enolelo eo e ileng ea felisa lithibelo tsa boprista le tempele ho litho tsa kereke tsa batho ba bats´o.

23–24 Mphalane , 1978 • Johannesburg, Afrika BoroaMookameli oa kereke Spencer W. Kimball o ile a bua ho litho le metsoalle ba hakanyetsoang ho 3400 ka holong ea Film Trust malebana le ts´enolelo ea 1978 ea boprista le tempele.

1979–80 • BulawayoErnest Tsikira Sibanda le Priscilla Sibanda le bana ba bona ba kopana le kereke ´me ba kolobetsoa hamorao joaloka litho tsa pele tsa batho ba bats´o Zimbabwe.

18 ´Mesa, 1980 • ZimbabweRhodesia e ile ea fetohela boipusong ho tsoa ho Great Britain ´me ea tsebahala machabeng e le Zimbabwe.

23 Mots´eanong , 1980 • Highfield, ZimbabweReginald J. Nield o ile a bitsoa e le mookameli oa lekalana la bone la Salisbury Highfield (hamorao le ileng la bitsoa lekalana la Highfield), lekalana la pele hantlentle la batho ba bats´o feela Afrika e ka Boroa.

17 Mots´eanong, 1981 • Salisbury, ZimbabweTanganyika le Peter Chaya, ntate le mora, ba lekalana la bone la Salisbury, e ne e le banna ba pele ba bats´o ba ho behoa matsoho e le baholo Zimbabwe.

14 Mphalane, 1981 • SalisburyPeter Chaya e bile Molumeli oa mehla ea kajeno oa pele Zimbabwe oa ho amohela pitso e le morumuoa oa boruti lichabeng.

Ka bo 1980 • ZimbabweMakalana a macha a ile a thehoa Bindura, Harare, Arcturus, Gweru, Bulawayo, le Mutare.

24 Phato, 1985 • JohannesburgTemple ea Johannesburg Afrika Boroa e ile ea hlohonolofatsoa.

Qetellong ea bo 1980 • ZimbabweNoel da Silva, mookameli oa setereke sa Harare o ile a qala “likopano tsa hae tsa selallo” Ruwa, Macheke, Bindura, le motsana oa ´maene pela Remare, moo litho li neng li fumana ho le turu ho ea ntlong ea phutheho. Sontaha se seng le se seng setho sa bookameli ba lekalana se ne se ba teng likopanong tse nyane malapeng a litho.

1990 • Bulawayo, ZimbabweMukai Maphosa o ile a bitsoa e le mookameli oa setereke oa mokhatlo oa bo ´m´e.

25 Maphalane, 1991 • Harare, ZimbabweZimbabwe e ile ea hlohonolofalletsoa bakeng sa thuto ea evangeli ke Moholo James E. Faust oa lekhotla la ba-Apostola ba leshome le metso e ´meli.

´Mesa 1992 • ZimbabweKomellong e matla ka ho fetisa ka lilemo tse 100, MaZimbabwe a ile a fihlela khaello ea lijo tsa mantlha joaloka phoofo ea poone, oli, raese, le linaoa

18 Phato, 1992 • ZimbabweSehlopha sa litho tse 50 ho tsoa libakeng tse potapotileng Zimbabwe (ho kenyeletsa Harare, Bulawayo, le Mutare) se ile sa tsamaea lihora tse 25 ka bese ho ea Tempeleng ea Johannesburg Afrika Boroa.

1993 • ZimbabweEdward Dube o ile a fetoha MoZimbabwe oa pele ho sebeletsa e le motsamaisi oa naha oa li Seminari le li institute tsa Bolumeli.

18 Hlakola, 1998 • HarareMookameli oa kereke Gordon B. Hinckley o ile a etela Zimbabwe ´me a bua le Balumeli ba mehla ea kajeno ba ka bang 1500. Bahlanka ba ´maloa ba ´muso, ho kenyeletsa le mongoli oa ts´ireletso le motsamaisi oa boiketlo ba sechaba, le bona ba ne ba le teng.

1999 • Salt Lake CityKhatiso ea pele e feletseng ea Buka ea Mormone ka puo Shona e ile ea hatisoa.

12 Ts´itoe, 1999 • HarareSetereke se seholo sa pele Zimbabwe, Setereke se seholo sa Harare Zimbabwe se ile sa hlophisoa ka Edward Dube e le Mookameli.

9 Mphalane, 2001 • HarareEmmah le Ben Musoni ba fetoha banyalani ba baholo ba pele ba ho sebeletsa borumuoa ba boruti lichabeng ba lilemo tse peli.

2002 • ZimbabweLetlole la Thuso ea Bareki ba Temple le ile la lumella ho ba teng tempeleng ho ho holo, ho kenyeletsa maeto a mane ho tsoa Harare, a mararo ho tsoa Lusaka, le a mabeli ho tsoa Bulawayo.

20 Tlhakubele, 2005 • BulawayoSetereke se seholo sa Bulawayo se ile sa hlophisoa ka Tasara Makasi e le Mookameli.

2007 • ZimbabweBuka ea Mormone, Lithuto tsa Tumelo le Lilekane, Lehakoe la theko e holimo (Motsoako o Tharo) li ile tsa hatisoa ka Shona, kamora lilemo tse ngata tsa mosebetsi ke sehlopha sa phetolelo se kenyeletsang Dorothy Tembo, George Murenza, Moses Murahwa, Upenyu Tambara, Ben Musoni, leThomas Musoni.

2008 • ZimbabweHar´a theko le thekisetsano e hloeleng mekoalaba le seoa sa k´holera se ileng sa ama batho ba 100.000 le ho bolaea 5,000, linyehelo tsa boitimo tsa balumeli ba MaZimbabwe li kopantsoe le thuso e tsamaisoang ke Kereke ea botho li ile tsa thibela tsietsi e kholo ea lijo le ts´ireletseho bakeng sa litho tsa Kereke.

30 Phuptjane, 2009 • ZimbabweEdward and Naume Keresia Salizani Dube ba ile ba bitsetsoa ho okamela Borumuoa ba boruti lichabeng ba Zimbabwe Harare.

6 ´Mesa, 2013 • Salt Lake CityEdward Dube o ile a tiisoa pitsong ea ho ba setho sa lekhotla la pele la ba Mashome a Supileng sebokeng se akaretsang, a fetoha MoZimbabwe oa pele oa ho sebeletsa joaloka ea nang le Tokelo e Akaretsang.

Tlhakubele 2016 • Zimbabwe e ka Leboea le e ka BochabelaKa har´a komello e matla, Latter-day Saint Charities e ile ea hokahanya ho chekoa ha liliba tse 51 sechabeng sa Chegutu, Marondera, Kambuzuma, Glen Norah, Highfield, le Domboshawa.

3 ´Mesa, 2016 • Salt Lake CityKhaho ea Temple ea Harare Zimbabwe e ea phatlalatsoa nakong ea Seboka se akaretsang.

Phupu 2017 • HarareBalumeli ba Harare ba ile ba ikopanya le lekhotla la teropo ho kata likoti libakeng tsa Mabvuku-Tafaracle tsela e nyane sebakeng sa Queensdale.

November 14 Pulungoana , 2018 • HarareMohlomphehi K. Mohadi, motlatsi oa mopresidente, o ile a kopana le baetapele ba kereke, ho kenyeletsa Philip Mathemera, Mookameli oa Setereke se Seholo sa Harare, ´m´e Gladys Sitati le Moholo Joseph W. Sitati ba sebaka sa Afrika e Boroa le ´m´e Kathy Andersen le Moholo Neil L. Andersen oa lekhotla la ba-Apostola ba leshome le metso e ´meli.

17 Phato, 2019 • ZimbabweE le karolo ea letsatsi la Matsoho a Thusang la Afrika Eohle, nakong eo balumeli ba mehla ea kajeno ho phatlalla le kontinente ba fane ka lihora tse 10,000 tsa bosebeletsi, litho tsa Kereke Zimbabwe li ile tsa kopana le makhotla a mathomo ho hloekisa lithotobolo tse seng molaong ka har´e ho sechaba.

1 Mphalane, 2020 • HararePhetholo ea lekote bakeng sa Tempele ea Harare Zimbabwe e ile ea phatlalatsoa.