Blechoel Kldemed

Betik er a renguk el rodam me a rodos, kede mla mukngeltengat er a betok el chedaol ocholt er tial ongdibel. A remesiungel a Rubak el Jesus Kristo a mla mengedecheduch e mo mengedecheduch a klemerang el tekoi, melisiich a reng el tekoi, me a tekoi el mo omekrael.

Ak kumelchesuar a ikel olechotel a klaumerang el mla medung er tial ongdibel el Rubak a mengedecheduch el merkid lokiu a Chedaol Reng. Me sel doluluuch e orrenges er a odbechel a Chedaol Reng, e kede ngmai a lmuut el betok el llomes me a klengeltengat el mo omekrael er kid er a chelsel a ikel meringel taem el merael mei.

A President Russell M. Nelson a ulsisechakl el kmo, “aikal sils el merael mei, eng diak el sebeched el mo selbechakl er a chedaol tekoi a lak a ulekrael, ngesou, ongelaod, me a odbechel chedaol reng.”¹

Tial ulaoch el mengelechel a rirelak el mo omdasu a ikel kirek el mo olsisechakl er a rengelekek, rengelekir a rengelekek, me a rengelekir a rengelekir a rengelekek el kmo ng mekerang a lenguu tial kmal klou a ultutelel ulekrael er a chelsel a ikel meringel el taem el bolechau ra ngarmederir taem.

Me sola e tial klumech a kekedeb el babier el mora retelcheroll er ngak me bol ngosuterir sel bolak kubengterir er a ikel merael mei el sils. Ng soak tir a bo lodengei a ikel bla bokudengei el mo sebechel ngosuterir.

A kmal mla mo ungil medengei el kmo ngera ikel rulterir el mo metebengii a odbechel a Chedaol Reng er a chelsel a taem el le kiei er ngii. Ak mlo omelchesuar el kirek el mo mengedecheduch er a chelechal sils ra tekoi el mla duubech el mei er ngak el kirel a Chedaol Reng, el uchul eng kmal, mla mo kldemek. Nglunguchek me bol sebechek el melisiich a rengrir.

A kumuchel melekoi er tir me bo lomdasu e loluluuch el kirel a rengelekel a Helaman el sechal, Nephi me a Lehi, me a rebebil er a remesiungel a Rubak el loureor lobengterir. Ng mle meringel a ultok el kirir. Te milesiou er a klou a delngerenger er ngii el basio e mlo chemau a mekngit el lomeruul. Ng smisichii a renguk, me kemiu meng sebechemiu, er a tial chimol bades el llechukl el ngara Helaman:

Ea chelsel a mong meng okeuid me a etiu el rak eng ulemuchel a klautok. E ng di a Nephi me a Lehi, me a betok el chederir a mle medengei a meral klemerang er a osisechakl, el ngilai a ocholt er a bek el sils, me te ulisechakl el mo er a rechad, el mle blak a rengrir el mlo uchul a ulebengelel a klautok er a chelsel tia el osisiu el rak.²

Tial cheldecheduch a smisichii a renguk, e dirrek el sebechel smisichii a rengum. A rengelekel a Helaman a mlosisechakl e mlukrael lokiu a betok el teletael er a Chedaol Reng. Tia rullak el mo medengei el kmo ng sebeched el mosisechakl er a Chedaol Reng el ta er a tal taem, el ngmai aikel dousbech, e sola sel bo dekeldmokl, e kede ngmai a betok.

Ng mla mo mesisiich a renguk er a osisiu el teletael el mlora Nephi er a lemodurch el muut el mora Jerusalem el mo melai ikel sintsyu er a Laban. Kom lotkii sel tilbir. Ng dilu, “Ak mo meruul aikel tekoi el bla ldung a Rubak.”³

A teletael el mlora Nephi el mle ultuil er a Chedaol Reng a mla smisichii a renguk er a chelsel a betok el teletael er a ureor el kudengei el kmo ng urerel a Rubak el kulmes engelakl er sel sebechek me sel mle osengek er a duch er ngak el mo kudmeklii.

Ko medengelii a tekingel a Nephi el kirel tial teletael: “Ng mle klebesei; me ak dilu er a [robekuk] me te merteterir. Uriul er a le berteterir, e ngak, el Nephi, a siliseb er a beluu e mirrael el bedul a blil a Laban.”

Ng milemolem el melekoi el kmo, “Di Chedaol Reng omekrael er ngak meng diak kudenge el kmo ak mo mekerang.”⁴

Ng smiich a renguk el medengei el kmo a Nephi a mlukrael er a Chedaol Reng er a bek el taem er seikid el kesus loruul a urerel a Rubak.

Kede ousbech, me a kemiu a mo ousbech, er a Chedaol Reng mel blechoel kldemed. Me chelecha, kede oureng er ngii, engdi kede medengei el kmo ng diak el beot el denguu. Kede rokui el lomdasu e melekoi e meruul a tekoi ra klengar rekid ra bek el sils el sebechel el tordii a Chedaol Reng.

Sel bol uaisei, e mo duubech, eng sebeched el melchesuar a terdel a Rubak. E mo omelchesiu er kid el cheloit. Meng klou a ultutelel el dolbedebek er sel meral yaksok el denguu er a bek el sandei sel douchel a rengud e dolai er a sakrament me bo de blechoel loba Chedaol Reng er ngii lobengked.⁵

A lsekum e kau a mla melechesuar odbechel Chedaol Reng er chelechal sils, eng sebechem el kmo tiaikid olchotel a kmo a Tngakireng oureor er a klengar kau.

El uaia Elder Jeffrey R. Holland el dilu el kmo: “A Ie kaikid el meringel el taem sel lemei er kid, eng diak el kired el mo omdasu el kmo a Dios a mla choitid a lechub e Ngii a locha diak el renges a nglunguched. Ngii a rongesid. Ngii a mesekid. Ngii a betik a rengul er kid.”⁶

Tial teletael a kmal mla ngosukak. Sel kumelchesiu el cheroid er a Rubak, ma nger er a nglunguchek a kora uaia le meoud el mei, e ak mla suubii a tekingel a President Nelson el mo tirterii a klengar ngak el kirel a ouchel reng. Ngii omeklatk er kid el kmo, “A ouchel reng er a bek el sils a ngii a rael el bedul a klikiid, e a klikiid a meskid a klisiich.”⁷

A lsekum me komelchesiu el meringel omotebengar Chedaol Reng, eng kirem el mo melbedebek el kmo ngarngii a kmo ngerang el kirem louchel a rengum el kirel me bo mnguu a klausubes.⁸ Ng sebechem el meluluuch el mo medengei el uase ke mekerang e mo klikiid el mo sebechem el blechoel loba Chedaol Reng el kldemem.

A lsekum eng soam el mo melchesuar odbechel Chedaol Reng, eng kirel ungil a moktek er kau. A ikel moktek er kau a kirel moktek er a Rubak. A lsekum a moktek er kau a kuk di melutk el kirem, eng mo meringel er kau el nguu odbechel Chedaol Reng.

Sel kmal kirek me a kirem a mo soad a ikel soal a Osobel. A moktek er kid a kirel ultuil er a bliochel beltikerreng er a Kristo. A nglunguched a kirel uasei “A ikel soak a ngii a soam. Sel soam bol moterekokl.”

Ak melasm el melbedebek er a tngakireng me a beltkil a rengul Osobel el kirek. E sel, kululuuch el mo er a Chedam er a Babeluades loureng a sulel, e ak melchesuar a beltikerreng el kmo a nglunguchek a morrenges e ngak a mo ngmai aikel ungil merngak me a tirkel betik er a renguk. Ng melisiich er a klauermang er ngak.

Aikel rokui el tekoi louchais a Chedaol Reng, e sel kot el mekreos el mei er kid a kmo a Jesus a Kristo, el ngar el Ngelekel a Dios. A Osobel a mle yaksok, “Sel mei Ongelaod, el ngak a mo odureklii el ngara Chedam, el ngii a Reng er a klemerang, el ngara Chedam el mei, a mo ouchais el kirek.”⁹

Betok el rak ra memong e a kngiluu okedong er a chedil el ngara klengiterreng. Ng uluuchais er ngak el kmo a ngelekel redil a mla melukl el mo cheroid ra delengcheklel. Ng mlo omelchesiu el uase ngarngii a mekngit er a delongelel ngii me a ngelekel redil. Ngullengit a ngesou er ngak.

Ak mlo medengelii a home teacher er ngikal ngelekel redil. Ngdi tial ngakl e ke medengei el kmo tia mle meketeketang. A kulmekedong er ngii. Ng mle ngeasek. Ng uluchais er ngak el kmo ngii me a kldemel a mle mekar er sel kesus el dimlak el di lomdasu er ngikal redil te dirrek el mlo omelchesiu el uase ng mochu meruul er a tekoi el di mo uchul a klengiterreng ruriul. Tiaikid el odbechel Chedaol Reng a uchul, e te mlo omes er ngii.

A kot eng dimlak el soal louchais er tir a teletael el ngii a ngara chelsel. Ngokiu a ulekrael llomes, e te ulengit er ngii me bo louchel a rengul e lengiltii a rael el Rubak a mla msang. Ng mlo medengei, el kuumerang el kmong Chedaol Reng a uchul, el kmo tirkal chad a medengelii a teletael kirel a klengar ngii el Dios a uchul. Ngkal chedil a ulebult el mora Chedam er a Babeluades me a Osobel. A Chedaol Reng a uldurokl er tirkal home teachers le tir el mle blak a rengrir el mesiou er a Rubak. Te ultiriklii a llach me a yaksok el debetik er ngii er a Doctrine and Covenants:

A rengum bol mui er a beltikerreng el mo ra rokui el chad, me tirkel ngara klaumerang, e a kldung bol ngara uldesuem; e kau a mo mesisiich a rengum er medal a Dios; e a osisechakl er a priesthood a mo ngara rengum el uai a ngusech er a babeluades.

A Chedaol Reng a mo blechoel kldemem, e mengkerengem er a llemalt me a klemerang; e kau a mo nguu a diak a ulebengelel omerredel, el mo melemolem lomaoch el mei er kau el diak a ulebengelel.¹⁰

A kuuchais el kmo a Rubak a oltirakl a Telbilel. A Chedaol Reng a mla modurokl el mo ra re blak a rengrir loltirakl a telbiil el chedal a Ikelesia er a Jesus Kristo. Chelecha, ea tekoi el duubech er kemiu a kakerous, e a Chedaol Reng a mo omekrael er kemiu lokiu a klaumera er kemiu me a ultikillel el mo ngmai chedaol ocholt el kiriu me a tirkel betik er a rengmiu me a omosiou er tir. Ak meluluuch loba rokui el renguk me a klaumera er kau lorael el mo klou.

Ak olecholt er a klaumerang er ngak el kmo a Dios el Chedam a ngar. Ng betik a rengul er kau. Ngii a remenges a bek el nglunguchem. A Jesus Kristo a meral milluluuch el mo er a Chedam me lodureklii Chedaol Reng el mo omekrael, mengelaod, e sioning er a klemerang el mei er kid. A Chedam me a Betik er a rengul Ngelekel a dilum er a Joseph Smith er a chereomel. A Profet el Joseph Smith a uleliuiid er a Babier er a Mormon el okiu a sengk me a klisichel a Dios.

A roderuchel er a babeluades a mla oluut a kiis er a priesthood. A President Russell M. Nelson a profet er a Dios er tial beluulechad el rokir.

Ngak el sioning er a Jesus Kristo, e ak medengei el kmo Ngii a kiei e omekrael er a Ikelesia er Ngii. Kau me ngak a ngarngii a techelled el nguu Chedaol Reng el mo kldemed e ngmai a klemerang sel dolbedebek er a beltkil a rengul Osobel, e douchel a rengud, e dolengit er a Beltkil a rengul el mei er a rengud. Nglunguchek me denguu tial klengeltengat me a kldemel a Chedaol Reng er chelechal sils me a bek el sils er a klengar er kid. Ng betik a renguk er kemiu. El ngara chedaol ngklel a Jesus Kristo, amen.