Piʼin Gapasaenʼ ni Gidiiʼen Kristus

Gadaed bay ko ngiyal’ ni “pi’in gapasaen’ ni gidii’en Kristus”¹ ba feked e magawon nib thil. Pi’in ni bay u wun’rad, liyor nag, nge pii micheg morunga’agen Yesus Kristus nima feked e sikeng, magawon nge tin mo’omaw.² Le’engin rok, Mary nge Gag e gamow taʼareb. Bin tomur e duw kafram kug sapew bo’or e pi fagar ko high school romow, companion ko mission, boech e lengiy rorad, nge gidiiʼ ko muruwel kar m’aed fa, woed President Russell M. Nelson ke yoeg, ke mu’ nag nge yib u bin barba’ e inge. Kug sapgow boch ni kar gargelen ulan e mich ni kar chuw e kanawo’ ko m’ag.

Rib kirebaen’, kug malog e bitir ku bitir rog nib 23 e duw rok’ ni ke yim’ bachane e kareb nag ko karo’. Bay e tin nib kireb ko mʼar ku boech e fagar, tabinaw, nge chaʼ ko muruwel.

Napan ra yib e mo’omaw ra yib, gadad ma daloloey’ gad nge guyed rogon ni ngad ayuweged gimed.³ Gadad ma yoer nifan e pi’nen dabiyog ni ngad mu’ nag nge pi tang dabiyog ni ngad tang gad.⁴ Pi’nen nib kireb ma buch ngak e gidii’ nib fel’ rogon ulan e milekag ko yafos. Kireb e nifiy u Maui u Hawaii, southern Chile, nge Canada ma dag e pi’nen nib kireb nira buch ngak e gidii’ nib mangil bochingyal’.

Gadad ma bi’eg ulan fare Pearl of Great Price fare Somoel ke yi’iy nag ngak Abraham e pi’nen nib manimus morunga’agen e pi ya’el. Abraham nike fil morunga’agen e yafos rodad umon e feyleng, foreordination, fare Sunmiy, mel’eg e Tabiyul, nge yafos ney, ni bin magid e tafen rok’ e gidii’.⁵ Fare Tabiyul e ga’ar:

“Gu ra fal’eged e feyleng ere e gidii’ ney ni ra pared;

“Ni yowra siken nogdad, mar guyew fa’an ngad rin’ed urngin e tin ni ra fith en Somoel e Got rodad nira motochiyel nogdad.”⁶

Ere gadad gubin ba pared ura’ ulan bin l’agruw e tafen nifan e milekag ko mon’og nga gil’ilungun nib fla’ab ni’ir e yang ko fare wo’en e thap nib ga’ rok’ Got. Kad thapeged e tawa’ath ko mel’eg nge feked e pi sikeng ko yafos. Ireray e re ngiyalʼ i nʼen ni fan ko gidiiʼ ni ngar muguʼuliyed yaed ni ngar madaʼ gaed Got.⁷ Binir e tawa’ath ni ngad nanged Yesus Kristus nge fan Rok’ ulan e wo’en ney. Bay e tawa’ath rodad ni ngad manged e chongin ko fare Galasia Rok’ ni ke sulweg—Fare Galasia ku Yesus Kristus ni Fan ko Gidii’en Got ko Tin Tomur e Rran. Woed e piʼin gapasaenʼ ni gidiiʼen Kristusgadad ma guyed rogon ni ngad fol e pi motochiyl Rok’. Rib mo’omaw’ nifan ngak e pi’in nibe leak. Ma rib mo’omaw’ ngak fare Somoel ni nge mu’ nag e muruwel’ rok’.

Pi scripture ma weliy: bo’or e gidii’ ra mel’eg tafney ni “ngan abich, min garbad, min falfalaenʼ, ya bayi gabul ma kad mʼaed”.⁸ Reb e gidii’ ni dabi michaen’raed ma dared ngak pi ulungi ni woed ngorad nira weliy nifan bin magid e “pi’nen nib bi’ech”⁹ nge pi machib rok’ e bee’.¹⁰ Dar nanged urogon ni ngar pireg’ed e pi’nen nib riyul’.¹¹

Piʼin gapasaenʼ ni gidiiʼen Kristusdabda leked gali wo’en ney. Gadad ma nib fel’, ma rrin’ed e pi’nen ulan e binaw ni ngad pared. Gadad ma t’ufeg, pii’, nge pinning gubin e bitir ku Got ni ra leked e machib rok’ Kristus.¹² Gadad ma folgad e fonow rok’ e profet nib t’uf rodad, Presiden Nelson: Gadad ma mel’eg e muruwel’ ko “awnag e gapas, chiney nge gubinfen.”¹³ Rogon ney nib yi’iy ir ta’abrogon ko pi’nen ulan e fapi scripture nge fonow rok’ reb e pi profet.

Ulan e duw 1829, dawo’ kan sulweg fare Galasia, nge dawo’ kan pilyeg fare Babyor ku Mormon. Bay e ulungi nib achigchig ni kar gafgow, kar thamiyed e Ya’el rok’ Got, kar folgad fare Profet Joseph Smith. Fare Somoel nike yi’iy nag ngak Joseph e fonow nifan e ngiyal’ nib mo’om’aw: “Ere, dam rus, o pafak; rrin’ e n’en nib mangil; pag e fayleng nge infiyarno ninged ngom, ya fa’anra gabay u dakean e malang rok, ma dabi yag roraed.”¹⁴ Ke yoeg ngorad:

“Mu sap ngog nap’an e lem rom: damu waer, damu tamra’.

“… Me yul’yul’ gaed, fol fapi motochiyl, nge rayog ni ngam thapeged e gil’ilungun ko tharmiy.”¹⁵

Riyul’, tawa’ath ko tharmiy dabi thilyeg napan gadad ma fek e magawon. Ulan e Hebrews gadad ma thap gad e fonow ni “ngad bad nga tagil’ Got, ko gin ni bay e ayuw riy, nge ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad.¹⁶ Yesus Kristus e enra “tasunmiy nifan e wo’en e thap nib manechubog.”¹⁷

Gube adag fapi thin rok’ Mormon, nike yoeg e fak ni Moroni, ni ba’adag “fare piʼin gapasaenʼ ni gidiiʼen Kristusbachan e paer romed nib gapas u fithik’ e gidii’.”¹⁸

Nifan e pi’in ulan e Galasia nima guyed rogon ba manged e piʼin gapasaenʼ ni gidiiʼen Kristus, bay yib e rran ni rib fel’ ngodad napan gadad ba lemnag morunga’agen fare Somoel nge Tathapegdad, Yesus Kristus. Sikeng ire yang ko yafos nge nima buch ulan e yafos rodad ulangab e feyleng. Binem ni tay bu’un e mael nib ga’ uthilin e pi nam nge gidii’.

Pi tiyugang ko Galasia ma fek bo’or e duwer ni, “Mangfan Got nib mat’aw ma pii’ e pi’nen nib kireb, ma rib gaa’ ngak’ e gidii’ nib mangil?” nge “Mangfan e gidii’ nib fel’ rogon nge niba rrin’ed e pigpig rok’ Somoel dabi thapeged e damiiteeg ko pi’nen nib kireb?”

Dabda nanged gubin e pi fulweg; machane, gamaed manang e fapi kenggin e yalen nima ayuwegdad ni ngad thapeg e pi sikeng, magawon, nge tin nib mo’omaw ufithik e mich nge athamgil nifan e yafos ni ra’en nib gaelgael nira yib ngodad. Dakiriy reb e susun nib gaa’ ulan e pi babyor nib thothup morunga’agen e thapeg e pi sikeng ni woed e fapi thin rok’ Somoel ngak Joseph Smith, fare profet, napan nike kalbus ulan Liberty Jail.

Fare Somoel e ga’ar:

“Fa’an ni ra bing fare infierno nib gaa’ nifan ngom, thingari nang, fakag, pi’nen nira pii’ ngom e ganop, nge ir nib mangil nifan nogm.

“Fare Fak e Gidii’ e ke yib ngoraed nga but. Me fith fa’anra ba mangil Ngak’?

“… Dam rus ko n’en ni rayog ni nge rrin’ e gidii’ ya Got e ra paer rom nib manemus.¹⁹

Rib moem ni ngad sapgad bay e Chitimangdad nu Tharmiy ni manangdad nge ma t’ufngodad nge nangfan e gafgow rodad nib machalbog. Fak Rok, ni Yesus Kristus, ir e Tathapeg nge Tabiyul rodaed.

President Russell M. Nelson nge President M. Russell Ballard nikar weliyew nib gaa’ morunga’agen bin magid babyor ko Machib Nag E Gospel Rog.²⁰ Ni ta’ab rogon e falfalan’ rog. Bin bi’ech e babyor, ma gaa’ nag ko fapi thin nib thothup, ma weliy nib gel:

“Ulan e bayul ni maligach Rok’, Yesus Kristus ni ke fek nga dakaen fapi amith, pi magawon, nge m’ar rodad. “Bachane biney, Ir manang ‘u rogon ni nge ayuweg e gidiiʼ rokʼ u rogon e pi moʼowaer roraed’(Alma 7:12; ngkam guy ko verse 11). Me pinningdad, ‘Magmed Yib Ngog’, nge napan gadad ra rrin’ed, ir ma pii’ ngodad e tofan, athap, gelngin, sap, nge golnag (Matthew 11:28; ngkam guy ko verses 29–30).

“Napan ni gadaed ra taga’ ko Yesus Kristus nge Bayul Rok’, ma rayag nra ayuwegdaed ko pi mo’owar rodaed, nge gubin mit e m’ar, nge amith. Ma rayag nran suguy daed ko falflan’, gapas, nge wurengan’ rok. Gubin ban’en nib momaw’ ko yafos e rayog ni ngan fal’eg u dakean fare Bayul rok Yesus Kristus.”²¹

Gadad be manged nib falfalaen’ e piʼin gapasaenʼ ni gidiiʼen Kristus.

Wo’en e falfalaen’ rok’ Chitimangdad nifan e bitir rok’ ni tay e bu’un e yafos umon e gargel nge yafos u feyleng nge yafos ni manechubog, ni tay e bu’un ko suldad nib fl’aab ngad e pi’in ni kad malog dad. Gubin e pi oloboch nira mang nib mat’aw, nge gadad ra sapgad nib machalbog nge nanged fan.

Fapi tiyugang ko galasia ni kar welied e dap ney ni woed e bee’ kar yaen u lukngun e play bay dalip e act.²² Pi’in dar nanged morunga’agen e wo’en rok’ Chitimangiy dar nanged mang ke buch u lan bin somm’on act fa yafos umon e gargel nge pi fan uram; ma dar nanged mang gara buch ulan bin dalip e act, ni’ir e fulweg nib fel’ngin nifan e wo’en rok’ Chitimangiy.

Bo’or e gidii’ dar thapeg e nangfan morunga’agen e wo’en Rok’ nib adag nib fel’, ni pi’in be lemnag ni ra fek e magawon, ni ra buch ngorad ni dariy’ fan e ngongol rorad, ma de kirebnag rad.²³

Rib moem e pi scripture: pi’in gapasaen’ ni gidii’en Kristusnib mat’aw, lek fare Somoel, nge fol e pi motochiyl ra thapeg e tawa’ath. Ta’areb e pi scripture nib thabi gaa’ nifan e gidii’ nib mat’aw, ni dariy’fan e pi’in ma buch ulan e yafos roard, ir e yang napan Pilung Benjamin ke non ngak e gidii’ rok’. Ir ma micheg ngak e pi’in ni ma yul’yul’ ma fol e pi motochiyel ra thapeged e ta’awath nifan gubin e pi’nen u yafos ney, nge “thapegem nga tharmiy … [nge] paer rok Got u fithik e falfalen’ ni darma mus.”²⁴

Gadad ma nang chuchugur gubindad ba feked e magawon ko feyleng nge ya’el ma yib ulan e yafos rodad, boech nib almarin. Chitmangdad ni bay u Tharmiy nib adag nge Fak, Yesus Kristus, ma gafaliy e Galasia nib sulweg rok’, ni kar pii’ew fapi scripture nge pi profet ni nge t’aer midlen ngodad, me kuruf e thin ngodad e riya’, nge pii’ e fonow ngodad ni ra t’aer midlen ngodad nge damiiteeg ngodad. Boch e fonow thingada rrin’ nib papay, nge boch ni ra pii’ e ayuweg nifan bo’or e pi duw. U mm’on ko fare Doctine and Covenants rok Somoel, section 1me machib ngodad ni, “motoyil gad ngak fapi thin rorad e pi profet.”²⁵

Section 1 me tay chiylen ngodad, “T’aered midlen, t’aered midlen ni bachan e renʼen ni bay yib.”²⁶ Somoel nima pii’ e rogon ngak e gidii’en rok’ ni ngar t’aered midlen ni bachan e magawon u yafos rorad.

Fare Somoel nike pii e yi’iy nib gel ngak President Brigham Young u January 14, 1847, u Winter Quarters.²⁷ Yi’iy ney me dag ngodad e rogon fare Somoel nima t’aer midlen e gidii’ ni bachan e renʼen ni bay yib. Fapi saint nib yul’yul’ ni kar tabab e milekag nga gil’ fare buruy ku Salt Lake Valley. Kar fal’eged fare Nauvoo Temple nge thapeged e fapi gam’ing nib thothup ko thap. Kar tulufraed ko Missouri, nge pi to’ogor kar tulufraed ngar chuw Nauvoo ulan e ngiyal’ nib kireb ko winter. Fare yi’iy ngak Brigham ni ke pii’ e fonow nib fel’ ma urogon ni ngar t’aered midlen ni fan e milekag. Somoel nike weliy nib gaa’ morunga’agen e ayuw ngak e pi’in nib gafgow, pi’in ni ke yim’ figirngiraed, pi’in ni ke yim’ chitimaniy, nge pi tabinaw kar pigpig ulan e Mormon Battalion napan e ulungi ney ko pi Saint kar ranoed nga dakaen e milekag nib yoyowol.

Maki boch e fonow ni ngar fasgad nib mangil, fare Somoel ke weliy l’agruw reb e yalen nib mangil nifandad daba’.

Somm’on, Nike pii’ athamgil ngorad ni ngar “oged e magaer ko pi y’oen, nge tang, nge churu’, nge ulan e meybil ko liyord nge magar.”²⁸

La’agruw, fare Somoel me puruy’ rad fa’an ni kar “kirbaen’, pinning ngak fare Somoel ni Got ni bay e liyor, ere ra yib e falfalaen’ nga ya’el romed.”²⁹

Gali pi’nen irma fel’ e fonow nifan e rran rodad. Pi yafos nib sug ko liyor, tang nge ba’adag ra thapeg e tawa’ath nib thil. Be mang nib falfalaen’ nge ba’adag e ayuw ko tharmiy ufithik’ e meybil ni’ir e rogon nib gel rayog ni ngam mang e piʼin gapasaenʼ ni gidiiʼen Kristus Guyed rogon mu pagedaen’med ma ayuweg ni dar kirbaen’gad ko ya’el.

Bin tomur e pi thin ulan e tang me pii’ e fulweg nib mangil nib fel’ rogon: “Dariy’ e kirebaen’ ko fayleng dakiyoeg ninge fel’ rogon e tharmiy.”³⁰

Reb fapi Apostle rok’ Somoel Yesus Kristus, ri gube micheg ni “pi’in gapasaen’ ni gidii’en Kristusnira piryeged e gapas ulan e yafos ney nge suloed nga tharmiy ufithik e fel’ngin. Gube micheg morunga’agen e thothup rok’ Somoel ni rib riyul’ nge fare Bayul rok’ fare Tathapeg ni rib riyul’. I Ir e Tabiyul rodaed nge Tathapeg. U dakean fithngan Yesus Kristus, amen.